Papur wal Colliss & Quinton
Arwydd minimalistaidd y Lolfa 
Ystafell tri 
Gwthban a chlustog Melin Tregwynt
'Ensuite'
Talcen flaen Edwardaidd Fronlas 
Cyntedd y fynedfa
Lamplen Retro gan Colliss & Quinton
Ystafell dau – Cynllun binc
Arwydd ystafell tri a hanner
Rhaglen 2
Yn fras
Gwesty gwely a brecwast ‘boutique’ yw hwn, wedi ei addasu o dŷ trefol deulawr. Mae’r nodweddion Edwardaidd yno o hyd, ond mae’r dodrefn yn gyfoes, a’r lliwiau a’r deunyddiau yn toddi i’r tirwedd. Trwy wneud hynny, mae Fronlas yn priodi’r hen a’r newydd yn effeithiol iawn.
Perchnogion
Pan aeth Eva ac Owain Huw i Landeilo am dro, doeddan nhw erioed wedi dychmygu disgyn mewn cariad â’r lle, ac agor gwesty gwely a brecwast yno. Mae Fronlas yn ddramatig ac yn unigryw, ond yn cadw’n driw i egwyddorion eco-gyfeillgar y cwpl a’i creodd. Mae’r gwesty'n cymryd ei le yn ddi-lol yn ardal Cwm Tywi a Bannau Brycheiniog, ac aeth Eva ac Owain at y tirwedd am ysbrydoliaeth wrth ddewis lliwiau. O ganlyniad i hyn oll, mae Fronlas yn gyfoes a gwreiddiol, ac yn apelio at bob oed.
Hanes
Mae'r adeilad yn dyddio o 1901, ac fe'i addaswyd yn westy yn 2007. Agorwyd drysau Fronlas - sef yr enw gwreiddiol - yn 2008.
Nodweddion
Mae cyffyrddiadau cartref a rhyngwladol i'w canfod yn Fronlas. Mae'r ‘stafelloedd yn frith o gynnyrch Alessi, Kartell a BoConcept, yn ogystal â brethyn Melin Tregwynt, dodrefn Angela Gidden o Attic 2 yng Nghaerdydd, mygiau Keith Brymer Jones a matresi organaidd o Abaca, gaiff eu cynhyrchu dafliad carreg o dre Llandeilo. Mae'r ystafell fwyta yn brolio cadeiriau ar steil Arne Jacobsen o'r 50au, yn ogystal â ffotograffau gan y cyd-berchennog, Owain Huw, o olygfeydd Cymreig enwog.