Gyda’r rhan fwyaf o’r trigolion yn byw mewn tai cyngor neu fflatiau mewn adeiladu uchel, roedd Guto a’i bartner Helen yn ffodus i ddod o hyd i dþ. “Un o’r prif nodweddion ddenodd ni i’r lle yw bod agoriad reit fawr i’r tu allan ymhob ystafell bron. Mae hynny’n torri’r ffin rhwng y tu mewn a’r tu allan - mae’r naill yn estyniad o’r llall mewn ffordd. Oherwydd yr hinsawdd, mae modd defnyddio’r ddau ddydd a nos,” eglura Guto.

Mae’r ty’n llawn atgofion o Gymru a chreiriau mae’r pâr wedi casglu ar eu teithiau, yn enwedig eitemau lleol a Tsieineaidd. Mae cynllun agored eu cartref yn golygu bod un rhan yn rhedeg yn esmwyth i mewn i’r nesaf, gyda nodweddion fel y llawr pren hyfryd yn cadw cymeriad pob ardal yn gyson.