Y Grand Canal, Fenis
Pensaernïaeth clasurol Fenisaidd ar y lagŵn
Ffasâd y gwesty a polyn unlliw gondola
Polyn unlliw gondola ac arwydd
Cynllun mewnol art deco dramatig
Byrddiau achlysurol siap cathaidd
Lamp llachar o blu
Cynllun mewnol trwm siambr wisgo
Cadair hir melfed mathredig
Ystafell ymolchi cyfoes – bwrdd a basn ymolchi
Rhosyn
Bar a Lle tân Fenisaidd
Gorchudd wal o felfed damasg
Wal stwco
Y Tŷ bwyta – ffasiwn yr ugeiniau
Rhaglen 7
Yn fras
Mae'r palazzo Fenisaidd yma ar lannau'r Grand Canal wedi ei drawsnewid yn llwyr, ac erbyn heddiw mae'n enghraifft wych o gynllunio a phensaernïaeth gyfoes. Mae'r Palazzo Barbarigo yn cyfuno hudoliaeth y ‘boudoir' gyda ‘deco chic' y dauddegau...
Rheolwyr
Caiff Palazzo Barbarigo ei reoli gan Mobygest Hotel Philosophy. Ar hyn bryd, mae 14 gwesty yn gweithredu o dan y brand yma. Sefydlodd Stefano Ugolini y Mobygest Hotel Philiosophy yn Rimini yn 1990, er mwyn gwneud y defnydd gorau o'i brofiad helaeth yn y diwydiant.
Hanes
Codwyd yr adeilad, y Barbarigo della Terrazza Palace, ar gyfer y teulu Barbarigo rhwng 1566-1570. Roedd y teulu yma'n cael eu hadnabod fel rhyw fath o ‘deulu Brenhinol' yn Fenis am gyfnod. Yn yr 19eg Ganrif, daeth yr adeilad i ddwylo cangen o deulu Giustinian, ac fe werthwyd nifer o'r casgliadau celf gwerthfawr. Yr unig greiriau sydd wedi goroesi yw addurniadau na ellir eu symud, ambell i ‘fresco' uwchben y drysau, nenfydau wedi eu peintio a friezes a phortreadau Doges yn y Capel
Agorwyd yr adeilad yn ail hanner 2007 fel gwesty cynllun, a bron nad ydi o'n grynhoad o naws cyfoes Fenis, ble mae'r hen a'r newydd yn cyd-blethu a chyd-fyw.
Nodweddion
Mae'r cysyniad wedi ei ysbrydoli gan gangen o ‘art deco' sydd yn cyfuno elfennau addurnol a neoglasurol. Canlyniad hyn yw awyrgylch goeth heb fod yn orffurfiol, ble mae ceinder yn cael ei adlewyrchu yn y manylion anarferol ac eironig; manylion sydd yn cynnwys plu, ac ymylon crand o bob math. Mae'r dodrefnu dramatig fel cysgod lamp wedi ei wneud o blu yn rhoi gwaed newydd i'r adeilad grande dame yma.