3 Lle: Eleri Sion
Mae Aberaeron, ei thref enedigol, yn hollbwysig i Eleri a dyma ei lle cyntaf yn y rhaglen. Mae'n cofio am ei phlentyndod, ei pherthynas cecrus gyda'i brawd bach Meilyr a'i chyfnod yn cystadlu mewn eisteddfodau.
Llundain yw ail ddewis Eleri. Daeth ei mam i'r ddinas yn ferch ifanc i weithio mewn hufenfa a siop groser. Mae'r siop yn Bloomsbury dal yno ac mae'n le sydd yn llawn hanes difyr. Roedd Dylan Thomas, a Yoko Ono yn gwsmeriaid yn y siop pan oedd ei mam yno.
Daw Eleri nôl i Gymru am ei thrydydd lle - Stadiwm y Mileniwm. Fan hyn mae'n sôn am ei gwaith o gyflwyno y rhaglen radio Y Gamp Lawn a'r wefr o wylio gemau rygbi ryngwladol.
Cyfranwyr y rhaglen yw ei brawd, Meilyr Sion a'r sylwebydd Rygbi Alun Wyn Bevan.
Y rhai eraill fydd yn dewis eu hoff lefydd yn ystod y gyfres:
- Richard Harrington
- Angharad Tomos
- Bryn Williams
- Eric Jones
- Eleri Sion
- Meic Stevens
- Gwyneth Lewis
- Lyn Ebenezer
Cyfres 1