America Gaeth a'r Cymry

• Hafan
• Mwy am y Gyfres
  • Rhaglen Un 1619 - 1776
  • Rhaglen Dau 1776 - 1841
  • Rhaglen Tri 1841 - 1865
  • Y Cyflwynydd
  • Gwneud y Gyfres
• Y Gaethfasnach
• Caethweision
• Caethfeistri
• Diddymwyr
• Llefydd i ymweld â nhw

Mwy am y Gyfres

Rhaglen Un
1619 - 1776

"The land of the free" - gyda'r geiriau hyn mae anthem genedlaethol yr UDA yn gorffen. Ac eto roedd gan Washington, arlywydd cynta'r wlad, dros ddau gant o gaethweision! Mae'r wlad honedig rydd hon wedi ei seilio'n rhannol ar gaethwasanaeth, ac hyd heddiw mae'r Unol Daleithiau yn dal i ddod i delerau â'i hanes fel America Gaeth...

Yn y rhaglen hon, bydd Dr. Jerry Hunter yn edrych ar wreiddiau caethwasanaeth yn yr Unol Daleithiau, o 1619 pan werthwyd y caethweision cyntaf ar dir mawr Gogledd America, hyd 1776 pan fynnodd yr Unol Daleithiau eu rhyddid oddi wrth Brydain. Bydd yn ymweld â phlanhigfeydd tobaco Virginia, eglwys Gymreig yn Delaware a dalfa gaethweision o Kentucky ar ei daith.

Gofynna hefyd pam fod cymaint o Americanwyr du hyd heddiw â chyfenwau Cymreig, a bydd yn adrodd hanes rhai o'r Cymry oedd ynghlwm â chaethiwo'u cyndadau, fel y capten caethlong Thomas Phillips, neu'r bardd a chaethfeistr Goronwy Owen.