Mae Ar y Tracs ynCyfle arall i fwynhau'r ddrama gomedi sydd wedi ei chreu gan Ruth Jones a'i hysgrifennu ar y cyd gan Ruth a'r awdur Catrin Dafydd. Mae'r ffilm yn canolbwyntio ar fywydau criw trên sy'n gweithio ar y lein rhwng Abertawe a Llundain. Mae'r criw'n cynnwys Sophie, rheolwr y trên sydd â'i bryd ar fod yn yrrwr trên, 'Reality', sy'n gweithio yn y cerbyd bwffe ac sy'n breuddwydio am fod yn enwog, Dyfrig, y gyrrwr trên dibynadwy a oedd â phroblemau gamblo yn y gorffennol, a Pandora, y troli doli benchwiban - heb anghofio am Ruth ei hun, sy'n chwarae'r Bwyles, Ingrid, sy'n gweithio yng nghaffi'r orsaf.
Ar y Tracs: Y Trên i'r Gêm
Archebwch eich tocyn a pharatowch am daith fythgofiadwy gyda chriw trên Ar y Tracs mewn ffilm dwymgalon newydd sbon ar benwythnos prysur gêm rygbi ryngwladol.
Ymunwch â Pandora, Reality, Sophie, Dyfrig, Gwenci a'r criw am fwy o chwerthin a dagrau ar y trên o Lundain i Abertawe. Ar drên arall o Abertawe i Gaerdydd mae rhieni Sophie, mam Reality a thad Dyfrig yn gwibio tua'r brifddinas a Stadiwm y Mileniwm i'r gêm rygbi rhwng Cymru a'r hen elyn, Lloegr.