Y môr yn cropian dawel
i'r traeth ar frig yr awel.
Eli haul yn toddi trwyn
tywydd garw nawr yn fwyn.
Gwylan ddireidus un prynhawn
yn dwgyd chips yn gyfrwys iawn.
Y plant fel anghenfilod
yn difetha cestyll tywod.
Pysgod tawel yn y dŵr
seren fôr yn codi stŵr.
Modryb Meg fel morfil mawr,
gorwedd yn llonydd fel rhyw gawr.
Tywel twym tadcu'n torheulo
ar y traeth fel cwch yn hwylio.
Pêl yn uchel fry uwchben,
machlud haul yn codi'i phen.
Anialwch gwag y gaeaf
Y dyrfa ar ei lleiaf.
Gwymon gwyllt yn dawnsio
Nid llonydd iawn mohono.
Slefren fôr fel brenin oer,
Moel ei gorff o dan y lloer.
Dim sôn am gestyll tywod
ond stormydd gwael a chawod.
Arfordir blin yn cysgu
Dihuno wnaiff yfory.
© 2012 S4C
O Gymru / Made in Wales