Anodd iawn yw mathemateg,
Anodd iawn yw gwneud gymnasteg,
Anodd iawn yw sgwennu pennill
Pan eich bod yn ceisio ennill.
Rhai sy'n meddwl 'mod i'n swynol,
Rhai sy'n meddwl 'mod i'n ddoniol,
Ond rwy'n hoffi bod yn fwli -
Fy ffrind gorau yw fy nhedi.
Anodd iawn yw ysgrifennu,
Anodd iawn yw mynd i'r gwely,
Anodd iawn yw gwneud Sudoku
Pan fo'r 'stafell yn llawn twrw.
Rhai sy'n meddwl 'mod i'n hyfryd
Rhai sy'n meddwl 'mod i'n swnllyd
Ond go iawn dwi'n berson diog
Ac ychydig bach yn bigog.
Anodd iawn yw sgwennu stori,
Anodd iawn yw gyrru lorri,
Anodd iawn yw mynd i'r gwely
Pan fo'r haul yn dal i wenu.
Rhai sy'n meddwl 'mod i'n orffwyll,
Rhai sy'n meddwl 'mod i'n dywyll,
Ond rwy'n hapus ac yn llawen
Pan dwi'n hedhan fy awyren.
Anodd iawn yw datrys Cluedo,
Anodd iawn yw dysgu jiwdo,
Anodd iawn yw chwarae hoci
Pan fo'r peli yn rhai rygbi.
Rhai sy'n meddwl 'mod i'n swnllyd
Rhai sy'n meddwl 'mod i'n stwrllyd
Ond rwy'n ddistaw fel yr awel,
Rwyf yn hoffi cadw'n dawel
Rhai sy'n meddwl 'mod i'n ofnus,
Rhai sy'n meddwl 'mod i'n rheibus,
Ond dwi ddim yn rhy ddieflig
Achos weithiau rwy'n garedig.
Dal y bws i fynd i Beddau,
Yna'r trên i dref Dolgellau,
Wedyn cerdded draw i Benfro,
Erbyn hyn dwi wedi blino!
Mynd i Lundain yn y bore,
Ton i mi sydd dal yn ore,
Wedyn lawr i Abertawe,
Gwell gen i yw dod 'nôl adre.
Mynd i aros i Langrannog,
Tonyrefail a Llanbedrog,
Llawer peth i'w gwneud sydd yno,
Ar nos Sadwrn mae 'na ddisgo!
Mynd i'r Barri ar fy ngwyliau,
Byddaf yn cael hwyl 'da ffrindiau,
Bwyta, nofio chwarae gemau,
Prynu het haul yn y siopau.
Mae tri pheth yn annwyl i mi:
Gwylio Cymru'n chwarae rygbi,
Mynd i'r ysgol i gael dysgu,
Wedyn adref i gael cysgu.
Mae tri pheth yn annwyl i mi:
Gweld Caerdydd yn chwarae hoci,
Mynd i'r pwll a nofio metr,
Ac arogli Cennin Pedr.
Mae tri pheth yn annwyl i mi:
Eistedd lawr a cwjo'r babi,
Mynd am wylie mewn awyren,
Rhoi fy arian i Plant mewn Angen.
Mae tri pheth yn annwyl i mi:
Mynd i'r parc a chwarae hoci,
Eistedd lawr ac yfed coffi,
Gwylio Cymru'n ennill rygbi!
© 2012 S4C
O Gymru / Made in Wales