Cystadleuaeth Seren Bethlehem
Telerau ac Amodau'r Gystadleuaeth
Y telerau a'r amodau hyn, ynghyd â rheolau a gweithdrefn y gystadleuaeth a roddwyd i chi yw rheolau'r gystadleuaeth ("Rheolau") sy'n berthnasol i gystadleuaeth Seren Bethlehem S4C ("y Gystadleuaeth"). Os bydd unrhyw anghysondeb rhwng rheolau a gweithdrefn y gystadleuaeth a'r telerau a'r amodau hyn, y telerau a'r amodau hyn fydd yn sefyll. Trwy gymryd rhan yn y Gystadleuaeth rydych yn cytuno i fod yn gaeth i'r Rheolau.
- Trefnir y Gystadleuaeth gan gwmni Boomerang + ccc, 218 Penarth Road, Caerdydd CF11 8NN (rhif cwmni 2936337) ("y Cwmni").
- I fod yn gymwys i gymryd rhan yn y Gystadleuaeth, mae'n rhaid eich bod yn ddisgybl yn un o'r ysgolion canlynol yn nalgylch Bethlehem:Ysgol Gynradd Ffairfach, Ysgol Gynradd Llandeilo, Ysgol Gymraeg Teilo Sant, Ysgol Gynradd Cwm Ifor ac Ysgol Gynradd Llangadog.
- Mae'r gystadleuaeth yn agored i unigolion yn unig. Caniateir un ymgais yr unigolyn.
- vI gystadlu, rhaid i'r ymgeisydd greu darlun o seren ar ddarn o bapur maint A4. Bydd y darlun buddugol yn ysbrydoli cynllun darn o gelf ar ffurf seren gaiff ei greu gan y gôf Nia Wyn Jones, a'i arddangos mewn safle arbennig yn yr ardal. Rhaid nodi enw llawn, oedran a'r ysgol mae'r disgybl yn ei mynychu ar ddarn o bapur wedi ei roi mewn amlen wag a'i dapio wrth gefn y llun. Ni fydd lluniau heb amlen wedi ei dapio ar y cefn yn cael ei ystyried ar gyfer y Gystadleuaeth. Bydd y Cwmni'n casglu'r holl geisiadau o'r ysgolion. Ni fydd yn bosib dychwelyd unrhyw luniau. Mae'r Cwmni'n bwriadu dangos detholiad o'r darluniau gorau mewn arddangosfa yn ardal Llangadog
- Mae'r Cwmni'n cadw'r hawl i ofyn am brawf ysgrifenedig o oedran unrhyw enillydd ac i anghymwyso unrhyw ymgeisydd os bydd gan y Cwmni sail resymol dros gredu bod yr ymgeisydd wedi torri unrhyw rai o'r amodau a thelerau hyn.
- Dewisir enillydd sydd wedi cynnig y cynllun gorau ym marn panel a benodir gan y Cwmni. Bydd penderfyniad y panel ynghylch yr enillydd yn derfynol, ac ni atebir unrhyw ohebiaeth.
- Hysbysir yr enillydd, yr ail a thrydydd yn y Gystadleuaeth drwy ohebiaeth â'r ysgolion perthnasol.
- Bydd gwahoddiad i'r cyntaf, yr ail a'r trydydd yn y Gystadleuaeth i fynychu'r cyngerdd yn Eglwys Llangadog ar 13 Rhagfyr 2009.
- Ar ôl y dyddiad cau, cyhoeddir manylion yr enillydd ar s4c.co.uk/cystadlaethau am 21 diwrnod neu bydd modd cael y wybodaeth hon trwy ffonio Gwifren Gwylwyr S4C ar 0870 600 4141.
- Nid yw aelodau o deulu staff y Cwmni, Mr Producer Cyf ac S4C nac unrhyw gwmni neu sefydliad busnes sy'n gysylltiedig â'r Gystadleuaeth yn gymwys i gymryd rhan yn y Gystadleuaeth.
- Dyddiad cau y gystadleuaeth yw 16 Medi 2009. Ni fydd unrhyw geisiadau ar ôl 16:00 ar y dyddiad cau yn cael eu cynnwys yn y gystadleuaeth.
- Efallai y gofynnir i rai o'r cystadleuwyr ymddangos mewn eitem yn y gyfres deledu Seren Bethlehem,a ddarlledir ar S4C, ac i gymryd rhan mewn gweithgaredd hyrwyddo. Er hynny, nid oes unrhyw ymrwymiad ar ran y Cwmni nac S4C i gynhyrchu na darlledu unrhyw raglen sydd yn ymwneud â'r Gystadleuaeth.
- Mae'r Cwmni'n cadw'r hawl i ddefnyddio enwau cyntaf ac enw ysgol y cystadleuwyr buddugol, eu lluniau a recordiadau sain a/neu weledol o'r cystadleuwyr a'u lluniau mewn unrhyw gyhoeddusrwydd ac ar wefan y gyfres.
- Mae'r Cwmni'n cadw'r hawl i ganslo a/neu ddiwygio'r Gystadleuaeth neu'r Rheolau heb rybudd os bydd y Cwmni o'r farn ei bod yn angenrheidiol gwneud hynny o ganlyniad i unrhyw amgylchiadau y tu hwnt i reolaeth resymol y Cwmni.
- Defnyddir eich data personol yn unol â Deddf Diogelu Data 1998 yn unig ac ni chaiff ei ddatgelu i drydydd parti ac eithrio at ddibenion gweinyddu'r Gystadleueth. Dim ond at ddibenion gweinyddu'r gystadleuaeth y bydd Boomerang yn defnyddio gwybodaeth bersonol yr ymgeiswyr, ac ni fydd yn defnyddio data o'r fath at unrhyw ddibenion eraill. Bydd Boomerang yn dinistrio'r holl ddata personol y mae'n meddu arno, ac a dderbyniodd fel rhan o'r ceisiadau ar gyfer y gystadleuaeth, wedi i'r gystadleuaeth ddod i ben. Prosesir data personol yn unol â darpariaethau Deddf Diogelu Data 1998 ac ni fydd yn cael ei rannu gydag unrhyw drydydd parti heb sicrhau caniatâd ymlaen llaw.
- Os bydd unrhyw ddadl yn ymwneud â'r Rheolau, ymddygiad, canlyniadau, gwobrau a phob mater arall yn ymwneud â'r Gystadleuaeth, bydd penderfyniad y Cwmni yn derfynol ac ni dderbynnir unrhyw ohebiaeth na chynnal unrhyw drafodaeth.
- Mae'r gystadleuaeth hon yn rhwym i gyfreithiau Cymru a Lloegr.
