Bydd rhai wynebau cyfarwydd o S4C yn mynd i Ffair Tafwyl yng Nghaerdydd ar ddydd Sadwrn 23 Mehefin.
Mae’r ffair yn cael ei chynnal yng Nghastell Caerdydd ac mae mynediad yn rhad ac am ddim. Mae’r ffair yn un o nifer o ddigwyddiadau yn ystod wythnos Tafwyl – Gŵyl Gymraeg Caerdydd.
Pabell Dysgwyr
Dewch i gwrdd â Lucie Jones ac Wynne Evans wrth iddyn nhw ateb eich cwestiynau am y profiad o ddysgu Cymraeg ar y gyfres cariad@iaith:love4language.
Mae Hwb yno hefyd ac yn cynnig cyfle cyffrous i chi greu blog fideo ar gyfer y gyfres.
Cyw a’i ffrindiau
Bydd digon o weithgareddau i ddiddanu plant yn y ffair ac mae Sali Mali, Sam Tân, Norman Preis, Holi Hannah a Cyw yn mynd i fod yno i ddweud helo.
Stwnsh
Bydd Lois ac Owain yno hefyd gyda digon o hwyl a gemau gwirion!
Tafwyl ar y Teledu
Morgan Jones a Mari Grug sydd yno ar ran S4C yn ffilmio rhaglen arbennig o oreuon Tafwyl.
Cadwa dy lygad ar y camerâu – fe alli di fod ar y teledu!
Bydd y rhaglen Tafwyl/12: Digwyddiadau ymlaen ar nos Sul 1 Gorffennaf 8.00pm
Ewch i wefan Tafwyl i weld holl weithgareddau’r ŵyl, sy’n cynnwys cerddoriaeth, gweithdai celf, stondinau, chwaraeon a llawer iawn mwy.