Rhaglen 3

Hwyl

Os buaset ti'n cael dewis unrhyw berson yn y byd i fynd am bryd bwyd hefo nhw pwy fasa fo/hi? Un o fy ffrindiau gorau sef Helen, sy'n cael ei hadnabod fel 'Helen Brenhines Plant y Dyfodol'! Mae hi mor ddoniol ac yn gwneud i mi chwerthin cyn gymaint mi fasa hi'n gwmni da i gael pryd o fwyd.

Os buaset ti'n cael dy roi ar Ynys Bell ac yn cael mynd a dim ond un pryd bwyd hefo chdi be fasa fo? Unai cinio dydd Sul mam neu unrhyw bryd yn cynnwys pasta. Y rheswm fasa i atgoffa o mam oherwydd ma' hin gogyddes mor dda ac mae pasta yn un o fy hoff fwyd.

Umbria, gwesty a'r ysgol goginio

Mi oeddwn i wedi gwirioni efo'r ardal mi oedd o mor hyfryd ges i lot o hwyl tra yn y gwesty ac mi oedd pawb mor barod i helpu yna. O ran yr ysgol mi fuaswn wrth fy modd yn byw yno, roedd yr adeilad ei hun yn anhygoel a na'i byth anghofio'r olygfa o'r ffrynt.

Profiad

Heblaw'r holl flasu gwin a bwyd, mae'r profiad o fod yn Umbria a chyfarfod pobl sy'n rhannu'r un diddordeb â mi yn amhrisiadwy. Dwi'n sicr wedi magu mwy o hyder a dwi'n canolbwyntio ar beidio bod yn nerfus wrth drio rhywbeth newydd, ac yn sylweddoli os yw rhywbeth ddim yn gweithio dio ddim yn ddiwedd y byd. Mi allai drio eto a dysgu o'm camgymeriadau. Profiad bythgofiadwy.

Cyntaf allan

Siomedig ofnadwy, siomedig iawn ynof i fy hun gan fy mod i mor nerfus, na'th hynny ddim helpu yn y sialens gyntaf, mi oeddwn i'n gwybod y buaswn i wedi gallu gneud lot gwell.

Alaw am...

Aled: Lot mwy hyderus nag oedd o'n ei ddangos - nes i ddysgu lot wrth wylio Aled yn coginio.

Neil: Lot o wybodaeth ganddo am goginio, cystadleuol ofnadwy a digon o hyder yn y gegin.

Kevin: Rhyw fath o dark horse! Mi oedd Kevin mor glyfar yn ei goginio a'i wybodaeth am fwyd ac yn sicr nes i ddysgu lot ganddo ac mae gen i barch mawr tuag ato.

Kelly: Dim digon o hyder yn ei hun! Roedd ei sgiliau coginio hi'n anhygoel. Allai gweld hi'n gwneud swydd Dudley rhyw ddydd! Casa Kelly?

Rolant: Person annwyl, mor ffeind ac yn barod i helpu.

Alwen: Creadigol iawn o be welis i o'i choginio.

Huw: Tawel, annwyl a chogydd da.

Rhaglen 2
Porc Parciau

Porc wedi ei goginio gyda bricyll a madarch mewn brandi a crème fraiche, wedi ei weini gyda stwnsh afal a phannas, a 'stir fry' llysiau gwyrdd tymhorol.

Dull - Y Pork

1. Torri'r porc i mewn i ddarnau crwn a'u rhoi i socian yn y brandi a'r sudd bricyll.
2. Rhoi ychydig o fenyn mewn padell i doddi gydag olew'r olewydd ac olew cneuen Ffrenig.
3. Ffrio'r winwnsyn a madarch yn ysgafn nes eu bod yn feddal ond heb droi'n lliw euraidd.
4. Ychwanegu'r cig gan sicrhau eich bod yn cadw'r sudd yr oedd yn socian ynddo.
5. Ychwanegu ychydig o halen a phupur.
6. Ychwanegu ychydig o finegr balsamic i'r badell ac yna ychwanegu'r stoc porc. Troi'r porc.
7. Ychwanegu llond llwy de o'r siwgr a'i gymysgu i mewn i'r badell.
8. Ychwanegu'r bricyll, garlleg a gweddill y sudd sydd wedi ei gadw. Troi'r porc eto.
9. Wedi i'r porc goginio trwyddo a'i fod yn eithaf brau, ychwanegu'r crême fraiche, llwyed ar y tro, tan fod y saws o amgylch y porc yn eithaf trwchus ond eto ddim rhy drwchus.

Dull - Y Stwnsh

1. Berwi'r tatws, panasen a'r afal ar wahân - mae hyn yn bwysig.
2. Wedi iddynt goginio, eu stwnshio gyda'i gilydd ac ychwanegu'r melynwy ŵy a'r mêl.
3. Hidlo'r stwnsh tan fod y cyfan yn llyfn.

Dull - Stir-fry llysiau

1. Rhoi'r olew mewn woc i gynhesu.
2. Torri'r llysiau i ddarnau sy'n hawdd eu bwyta, a'u hychwanegu at yr olew.
3. Eu ffrio tan eu bod wedi coginio ond ddim yn feddal.

Mynd i'r Eidal!

"Ges i ffasiwn sioc achos doeddwn i ddim yn meddwl y fyswn i'n mynd drwadd ond ar ôl dod dros y sioc yr unig beth oeddwn in gallu meddwl am oedd siopa a cael dillad a sgidau newydd i fynd ir Eidal"

Rhaglen 1
Pwdin siocled melfedaidd gyda thriog ffrwythau, sorbet a bisgedi brau

Barn Y Beirniaid

Blas - Sorbet arbennig a saws gwych
Edrychiad - lliwgar