Ffarwelio
Gethin ar y profiad

On i'n disgwyl bod y cyntaf allan a bod yn onest, gan fy mod yn limited fel cogydd. O'r dechrau oeddwn i'n gwybod fy mod allan o fy nyfnder.

Y profiad gorau i mi oedd cael mynd i'r bar tapas lleol Tragatapas, y tapas gora i mi flasu! O ran y profiad i gyd mae gen i archif o straeon ar gyfer nosweithiau lu a dwi wedi cael cadarnhad fy mod yn gallu coginio ond dwi ddim yn athrylith a dwi'n hapus efo huna a hefyd y ffyn brwyniaid wnaeth Llinos i ni yn rownd un.

Profiad hael ac addysgiadol.

Gethin yn sôn am y gweddill

Hefina rhaw di rhaw. "Dwi ddim yn cîn ar y croquettas yma ... debyg iawn i chwd gwylan" ... genius!

Aneira penderfynol ... gwrandawraig dda.

Daniel boi talentog yn ôl rhai, dwi heb weld y dystiolaeth o hyn eto ... ha ha! Da ni'n ffrindiau mawr erbyn hyn.

Llŷr i feddwl bod o mor ifanc, mae ganddo wybodaeth fantastic am goginio. Boi clên iawn.

Huw legend.

Sion erioed wedi dod ar draws boi mor focused yn fy mywyd. Cawr o foi.

Wendy ma' hi fel tywysoges o amgylch y gegin. Arbennig o gogyddes.

Rhaglen 3
Cwestiynau hwyl

Os bydda ti'n cael dewis unrhyw berson yn y byd i fynd am bryd o fwyd hefo nhw, pwy fydda fo/hi a pham?

Walter Glyn Davies, fy hen athro piano, a life guru. 'Legend' o foi. Mae o'n haeddu medal neu OBE neu rwbath. Mae pawb angen person fela yn eu bywydau ar ryw adeg

Os bydda ti'n cael dy roi ar ynys bellennig a dim ond yn cael mynd ac un pryd bwyd hefo chdi, beth fysa fo a pam?

Pizza.

Argraffiadau cyntaf

Be oedd yn mynd trwy dy feddwl pan ddwedodd Dudley dy fod yn mynd i Sbaen?

Dau beth - Lle ma'n mhasbort i a well mi ddechrau practisho coginio!!

Beth oedd dy argraffiadau o'r gwesty, ysgol goginio a'r ardal?

Pan welais i'r ysgol goginio dyma oedd fy meddylia ... "sut ma' hwna'n gweithio?" ... "be ddiawl ma' hwna'n neud?"

Nefoedd o le. Er na ches i aros fawr yno! Faswn i wedi bod wrth fy modd yn reidio moped drwy'r dydd yn stopio yn y gwahanol fariau tapas a.y.y.b.

Rhaglen 2
Sarsuela

Paratoi'r sylfaen:

1. Cynhesu'r olew olewydd mewn powlen caserol drom a brownio gweddillion y pysgod am funud neu ddau. Rhoi'r nionod, tomatos, helogan a'r garlleg yn y bowlen a'i goginio dros wres cymedrol am 20 munud. Ychwanegu'r piwrî tomato a'i goginio am 10 munud yn rhagor.
2. Ychwanegu'r sieri a'r Pernod â dod a'r gymysgedd i'r berw.
3. Ychwanegu'r saffrwm a'r dŵr â dod a'r gymysgedd i'r berw unwaith yn rhagor.
4. Gostwng y tymheredd a mud- ferwi'r cyfan am oddeutu 45 munud.
5. Hidlo'r gymysgedd ddwywaith, gan waredu gweddillion y pysgod a'r llysiau sy'n yr hidlwr ond yn cadw'r hylif ar gyfer y Sarsuela.

Paratoi'r Sarsuela:

1. Yn y cyfamser, llenwi powlen caserol fawr gyda thua ½cm o ddyfnder o olew olewydd.
2. Coginio'r pysgod i gyd, un fesul un am 2 funud pob ochr, gan ychwanegu halen a phupur i'w flasu a rhagor o olew os oes angen. Rhoi'r pysgod i gyd i un ochr.
3. Ffrio'r nionyn a'r ffenigl yn yr un badell am 5 munud.
4. Ychwanegu'r cawl/hylif a dod a'r cyfan i'r berw. Gostwng y gwres a'i fud ferwi am 10 munud.
5. Ychwanegu'r pysgod a'u coginio am 5 munud cyn ychwanegu'r cregyn gleision am y 5 munud olaf.
6. Ychwanegu halen a phupur a digon o sudd lemwn, at flas. Ysgeintio gyda phersli a'i weini gyda thafelli trwchus o fara ffres.

Y Feirniadaeth

Dudley

Llinos

Bryn:

Marc ar gyfartaledd: 7/10

Rhaglen 1
Garbanzos con Espinacas

Dull:

1. Ffrio'r nionyn yn ysgafn mewn olew olewydd hyd nes ei fod yn feddal.
2. Ychwanegu'r garlleg, cwmin, pupur Cayenne, paprika, grawn pupur du, saffrwm a'r clofau a'u coginio am funud yn rhagor. Ychwanegu'r tomatos, sbigoglys a'r ffacbys yn eu hylif coginio i'r gymysgedd a'i droi'n dda.
3. Coginio am 15 munud hyd nes fod y gymysgedd wedi cynhesu trwyddo. Ychwanegu'r halen a cwmin i'w flasu. Gweini gyda darn o fara trwchus.