Ffarwelio
Huw ar y profiad

Pa brofiad sy'n aros yn y cof fwyaf?

Treulio dwy awr yn y gegin gyda Benito.

Be ti di gael o'r profiad?

Yr hyder i fynd ymhellach gyda fy nghoginio a hefyd profiad mawr oedd cwrdd â ffrindiau newydd.

Mewn un/ddau air disgrifia'r profiad

Bythgofiadwy!

Huw yn sôn am y gweddill

Gethin cymeriad mawr.

Hefina llawn bywyd a sbri.

Aneira merch serchus oedd yn gwenu trwy'r amser.

Daniel dyn drwg dros ben.

Llŷr person tawel peryglus!

Sion fy mrawd bach!

Wendy person cyfeillgar a diddorol.

Rhaglen 3
Cwestiynau hwyl

Os bydda ti'n cael dewis unrhyw berson yn y byd i fynd am bryd o fwyd hefo nhw, pwy fydda fo/hi a pham?

Amanda Protheroe Thomas am ei bod yn gorjys!

Os bydda ti'n cael dy roi ar ynys bellennig a dim ond yn cael mynd ac un pryd bwyd hefo chdi, beth fysa fo a pam?

Paëla mam-gu'r fenta yn Ronda.

Argraffiadau cyntaf

Be oedd yn mynd trwy dy feddwl pan ddwedodd Dudley dy fod yn mynd i Sbaen?

Ys gwn i gaf i amser bant o gwaith!

Beth oedd dy argraffiadau o'r gwesty, ysgol goginio a'r ardal?

Popeth yn ddelfrydol a gwych dros ben.

Rhaglen 2
Tafelli o ddraenog y môr gyda saws gwin coch

Dull:

1. Rhoi'r menyn a'r olew olewydd mewn padell ffrio.
2. Wedi i'r menyn ddechrau coginio rhoi'r pysgodyn i ffrio ynddo a'i goginio am 3-4 munud ar bob ochr yn dibynnu ar drwch y pysgodyn.
3. Wedi i'r pysgodyn goginio ei sesno â halen a phupur.

Ar gyfer y saws gwin coch:

1. Mewn padell ffrio, coginio'r cig moch ar sialóts hyd nes eu bod yn feddal.
2. Ychwanegu'r gwin coch ar stoc ciw iâr.
3. Gadael ar y gwres hyd nes ei fod wedi haneru.
4. Cyn ei osod ar y plât ychwanegu'r persli.

Ar gyfer y tatws stwnsh:

1. Mewn powlen gosod y tatws ar artisiog a'u cymysgu'n dda hyd nes bod gennych chi bast llyfn.
2. Ychwanegu 4 llwy fwrdd o olew olewydd a'i gymysgu'n dda.
3. Cadw'r gymysgedd yn dwym yn y ffwrn hyd nes yn barod i weini.

Gweini

1. Ar blât gwyn gosod y tatws mewn pêl a rhoi'r pysgodyn ar ei ben.
2. Rhoi dwy neu dair llwy ffwrdd o'r saws gwin coch i un ochr y pysgodyn.
3. Addurno'r plât efo caprau a lemwn.

Rhaglen 1
Peli Cig Mewn Saws Tomato

Ar gyfer y saws:

1. Cynhesu'r olew mewn sosban ddofn, ychwanegu'r nionyn a'r pupur a'u coginio hyd nes eu bod yn feddal.
2. Ychwanegu'r garlleg, sinamon a llawryf a'i goginio am funud neu ddwy yn rhagor cyn ychwanegu'r tomatos, sieri a'r halen i'w flasu.
3. Gorchuddio'r cyfan a'i dynnu oddi ar y gwres.

Ar gyfer y peli cig:

1. Yn y cyfamser, rhoi'r holl gynhwysion ar gyfer y peli cig - heblaw am y blawd - mewn powlen fawr a'u cymysgu'n dda. Ffurfio 10 pêl cig bychan gyda'r gymysgedd, ac yna eu gorchuddio'n ysgafn gyda'r blawd.
2. Cynhesu 2-3 llwy fwrdd o'r olew mewn padell ffrio fawr a choginio'r peli cig am 10 munud, hyd nes eu bod i gyd wedi brownio drostynt.
3. Gosod y peli cig yn y saws tomato a'u coginio am 20-25 munud yn rhagor, hyd nes bod y saws yn drwchus ac yn felys.
4. Tynnu'r ddeilen llawryf allan o'r saws.
5. Gweini yn boeth.