Yn fuddugol!
Wendy ar y profiad

Pa brofiad sy'n aros yn y cof fwyaf?

Pob un!

Ond yn enwedig y sialens olaf.

Pa sialens oedd y gora ganddo'ch ar gwaetha?

Y gora - Paëla. Y gwaetha - Tortilla hefo ymennydd mochyn!

Be ti wedi cael o'r profiad?

Ennill mwy o hyder ac wedi dysgu cymaint o dechnegau newydd, hefyd wedi gwneud ffrindiau da, a phrofiad nai byth anghofio.

Mewn un/ddau air disgrifiwch y profiad?

Ffantastig!

Sut deimlad ydi bod yn enillydd Casa Dudley 2008?

Anhygoel!

'Dwi dal mewn breuddwyd - breuddwyd dda!

Wendy yn sôn am y gweddill

Aneira cymdeithasgar a charedig.

Gethin doniol a gwybodus.

Hefina llawn hwyl a chyfeillgar.

Daniel cymeriad.

Llŷr distaw a chyfeillgar

Huw dibynadwy, wedi bod yn bleser gweithio hefo fo! Diolch yn fawr am fy helpu i ennill Huw!

Sion gŵrbonheddig, talentog. Haeddu ennill hefyd!

Rhaglen 3
Cwestiynau hwyl

Os bydda ti'n cael dewis unrhyw berson yn y byd i fynd am bryd o fwyd hefo nhw, pwy fydda fo/hi a pham?

Y cogydd James Martin, mae o, a'i fwyd yn dishy iawn!!!

Os bydda ti'n cael dy roi ar ynys bellennig a dim ond yn cael mynd ac un pryd bwyd hefo chdi, beth fysa fo a pam?

Tiramisu wedi ei wneud gan fy ffrind Sharon.

Argraffiadau cyntaf

Be oedd yn mynd trwy dy feddwl pan ddwedodd Dudley dy fod yn mynd i Sbaen?

Ddim yn disgwyl mynd i Sbaen oherwydd y Mango Salsa! Sioc pan ddywedodd Dudley bod fi'n mynd.

Beth oedd dy argraffiadau o'r gwesty, ysgol goginio a'r ardal?

Roedd y gwesty a'r ardal yn syfrdanol a hyfryd, a'r ysgol goginio yn amazing!

Rhaglen 2
Cledd bysgodyn seriedig gyda salsa mango cynnes, cwscws oren â chnau pîn a salad merllys

Dull:

1. Marineiddio'r cledd bysgodyn gyda'r lemwn ac olew am tua 30 munud.
2. Rhoi'r cwscws gyda'r dŵr, croen yr oren, a'r menyn mewn powlen neu sosban. Gorchuddio'r cyfan a'i adael i sefyll am 5 munud.
3. Yn y cyfamser, stemio'r merllys am tua 1 - 2 funud a'u gadael i oeri.
4. Gyda phliciwr tatws, plicio'r ciwcymbr a'r moron ar eu hyd i greu rhubanau a'u gosod mewn powlen. Ychwanegu'r letys cymysg a'u rhoi yn yr oergell hyd nes yn barod i'w weini.

Ar gyfer y salsa mango:

1. Rhoi'r mango, sudd oren, menyn, chilli, coriander a'r siwgr mewn sosban a'i gynhesu'n ofalus am 5 munud.
2. Troi'r cwscws gyda fforc, ychwanegu sudd y 2 oren a'r perlysiau a'i gynhesu'n ofalus am 1 - 2 funud gan ofalu nad yw'n glynu yng ngwaelod y sosban.
3. Cynhesu gradell dros wres canolig hyd nes ei fod yn mygu ychydig bach, yna serio'r cledd bysgodyn am tua 2 funud bob ochr (yn dibynnu ar drwch y pysgodyn).
4. Tynnu'r salad allan o'r oergell ac ychwanegu'r olew olewydd, sudd lemwn, halen a phupur.
5. Gweini gyda'r salsa mango ar ei ben, â'r cwscws a'r salad bob ochr.

Y Feirniadaeth

Dudley

Llinos

Bryn:

Marc ar gyfartaledd: 7/10

Rhaglen 1
Eog Wedi ei Biclo Mewn Lemwn a Leim gyda Salad a Bara Brown gyda Choconyt

I wneud y bara:

1. Cyfuno'r holl gynhwysion a thylino'r toes ar fwrdd gyda blawd arno am oddeutu 10 munud.
2. Leinio'r tuniau gwag gyda phapur gwrthsaim a rhannu'r toes i 3 rhan cyfartal, siâp selsig 2 fodfedd o led a tua 3 i 4 modfedd o hyd (fel eu bod yn llenwi tua ¾ y tun).
3. Gosod clingfilm ar ben y tun a'i adael mewn lle cynnes am o leiaf hanner awr, hyd nes bod y toes wedi codi dros y tun.
4. Tynnu'r haenen lynu a'i bobi ar wres canolig am oddeutu 20 munud.

Ar gyfer yr eog:

1. Gorchuddio'r eog gyda'r sudd lemwn a leim a'i farineiddio mewn powlen di-fetel am 24 awr.
2. Torri'r nionyn yn fân a'i ffrio mewn olew hyd nes ei fod yn dyner, cyn ychwanegu'r garlleg, tsili a'r lemwn wellt a'u ffrio am 2 i 3 munud.
3. Ychwanegu'r cwmin a'i ffrio am funud pellach. Gadael iddo oeri ac ychwanegu'r eog wedi ei farineiddio. Ychwanegu'r coriander a'i osod yn yr oergell am awr.
4. Leinio dysgl fechan neu ramecin gyda clingfilm a hidlo'r gymysgedd eog hyd nes bod y sudd wedi diflannu. Ychwanegu pupur cymysg a'r halen i flasu.
5. Gosod y nionyn coch ar waelod y ramecin, gyda'r eog ar ei ben, ac yna haenen arall o nionyn ac eog ac yn y blaen, hyd nes bod y ddysgl yn llawn. Gwasgu unrhyw sudd sydd yn weddill a rhoi'r cyfan yn yr oergell hyd nes ei fod yn barod i'w weini.
6. Gosod y letys wedi ei gymysgu gyda rhywfaint o'r dresin, halen a phupur ar ganol y plât. Gwasgaru'r tomatos o amgylch ochr y plât a rhoi dysgl wyneb i waered ar ben y letys a thynnu'r eog allan yn ofalus, cyn tynnu'r haenen lynu i ffwrdd.
7. Gweini gyda'r bara ffres.