Bryn Williams
Byw: Llundain, ond yn wreiddiol o Ddinbych
Swydd: Newydd agor ty bwyta yn Llundain o'r enw Odette's.
Dechreuodd ei ddiddordeb mewn bwyd pan oedd yn ddeg oed ar ôl ei ymweliad â Becws Alwyn Thomas yn Ninbych. Yno fe gafodd wersi sut i wneud bara ac ychydig o flynyddoedd yn ddiweddarach dechreuodd weithio yno - dyma oedd ei ysgogiad i gael gyrfa fel cogydd proffesiynol. Ar ôl gadael Ysgol Glan Clwyd yn Llanelwy, aeth Bryn ymlaen i astudio arlwyo yng Ngholeg Llandrillo a chael NVQ Lefel 3 mewn darpariaeth bwyd a choginio. Enillodd y teitl Myfyriwr y Flwyddyn yno hefyd. Ar ôl gorffen coleg, cafodd swydd fel 'chef de partie' ym mwyty Marco Pierre White yn Llundain cyn symud wedyn i 'Le Gavroche'. Ar ôl 16 mis o waith caled yn 'Le Gavroche', fe gafodd ddyrchafiad i fod yn 'sous chef'. Symudodd i'r Orrery yn Llundain yn 1993 a llynedd daeth yn ail yng nghystadleuaeth y brodyr Roux.
The Great British Menu
Llynedd bu'n llwyddiannus iawn yn y gyfres Great British Menu, cyfres a oedd yn dilyn cogyddion enwog yn paratoi gwledd i ddathlu pen-blwydd y frenhines yn wyth deg. Yn y rownd gyntaf, bu i Bryn chwysu a choginio pryd gwerth chweil a welodd o'n curo Angela Hartnett ac yn mynd mlaen i'r rownd nesaf. Rhannodd cegin gyda Richard Corrigan, Nick Nairn a Marcus Wearing a bu i'w bryd torbwt gyda chocos a chynffon bustach gael canmoliaeth uchel iawn gan y beirniaid a Bryn fu'n llwyddiannus! "Roedd hi'n brofiad arbennig gwneud y rhaglen Great British Menu. Roedd hi'n gyfle arbennig i ddangos cynnyrch Cymru ac yn brofiad gwych gweithio gyda chogyddion gorau Prydain".
Yn ddiweddar mae Bryn wedi cael y cyfle i agor ty bwyta yn Llundain ac mae o'n brysur yn chwilio am gynnyrch da i'w weini yn ei fwyty Odette's.
Odette's
Cafwyd ei wneud yn enwog yn y 1990au gan mai yma y bu i Liam Gallagher ofyn i Patsy Kensit ei briodi. Mae Odette's wedi mynd trwy dipyn o newid ers hynny a bellach gŵr o'r enw Vince Power (Pigalle, Spiga) sydd berchen y bwyty. Bu'n chwilio am fisoedd am brif gogydd brwdfrydig a thalentog i redeg ei fwyty a darganfyddodd Bryn Williams.
Y Dyfodol
Canolbwyntio ar y ty bwyta a chadw'r safon yn uchel.
Hwyl a sbri
Os bydda ti'n cael dewis unrhyw berson yn y byd i fynd am bryd bwyd hefo nhw, pwy fasa fo/hi?
Ateb: Rhys Ifans, hogyn o'r Gogledd sy'n llawn hwyl. Fasa'n ddifyr iawn cael gwrando ar ei straeon.
Os bydda ti'n cael dy roi ar ynys bell ac yn cael mynd a dim ond un pryd bwyd hefo chdi be fasa fo?
Ateb: Cinio dydd Sul mam.