• Hafan
• Beirniaid
• Cystadleuwyr
• Rhaglenni
• Casa Dudley
• Ryseitiau
• Trafod

Pysgod

Almejas - Cregyn Bylchog

Dull:

1. Cynhesu'r olew a choginio'r winwnsyn hyd nes ei fod yn feddal.
2. Ychwanegu'r garlleg a'i goginio am funud, cyn ychwanegu'r chorizo a'i goginio am funud yn rhagor.
3. Ychwanegu'r cregyn bylchog a'r sieri.
4. Gorchuddio a choginio'r cyfan hyd nes bod y cregyn yn agor.
5. Ysgeintio'r pryd gyda phersli a'i weini.

Tiwna

Dull:

1. Paratoi'r marinâd drwy gymysgu'r saws soi a'r olew blodyn yr haul gyda'i gilydd. Ychwanegu'r tiwna a'i adael i farinieddio am o leiaf 12 awr.
2. Bwydo'r tiwna ar sgiwer a rhoi hadau sesame ar ben pob un.
3. Ei weini'n syth.

Brwyniaid mewn crwst

Dull:

1. Rholio'r toes i dair haenen 20cm x 15cm, gan sicrhau eu bod wedi ei rholio'n denau iawn (mae hyn yn bwysig!). Rhoi'r toes yn yr oergell i oeri am oddeutu 30 munud.
2. Wedi hanner awr, gosod y toes ar y bwrdd a'i frwsio ag ychydig o ddŵr. Gosod y brwyniaid ar y toes mewn rhesi, gan adael tua 2cm rhwng bob rhes. Brwsio o amgylch ymyl y toes gyda'r ŵy cyn rhoi'r ail ddeilen o does pwff ar ei ben a'i selio. Brwsio'r ail haenen does gyda dŵr a gosod y brwyniaid rhwng y rhai ar yr haenen gyntaf. Brwsio ymyl yr ail haenen does gyda'r ŵy.
3. Gosod yr haenen olaf ar ben y brwyniaid a'i selio, cyn rhoi'r toes yn y rhewgell i setio am 20-30 munud pellach.
4. Wedi iddynt setio, torri'r toes mewn i stribedi tenau iawn cyn eu gosod ar hambwrdd pobi a'u crasu mewn popty 200°C am 8 munud.
5. Wedi gorffen yr olew a'r cymysgu, ei flasu a'i sesno gyda halen mân, yna rhoi llwy de o ddŵr poeth i'w sadio. Ei gadw yn yr oergell a'i orchuddio'n dynn.

Mayonnaise Saffrwm:

1. Rhoi'r saffrwm mewn powlen fach gyda sudd y lemwn a'i adael i socian am 5 munud. Cymysgu'r garlleg i mewn a'i socian am 5 munud arall. Gwahanu'r ŵy ac ychwanegu'r melynwy i'r saffrwm.
2. Chwisgo'r gwynnwy gyda fforc am tua 5 eiliad yna ychwanegu ei hanner i mewn at y saffrwm a gwaredu'r gweddill - fe fydd y gwynnwy yn ei wneud yn fwy cadarn.
3. Chwisgo'r gymysgedd saffrwm ac yna'n araf ychwanegu'r olew, hanner llwy de ar y tro hyd nes eich bod wedi cymysgu oddeutu ¼ o'r olew i mewn. Wedi hyn, fe ellwch chi ychwanegu'r olew fesul llwy de hyd nes bod hanner yr olew wedi mynd. Wedi cyrraedd y pwynt yma fe ellwch chi arllwys yr olew i gyd i mewn yn araf gan ei chwisgo'n ddi-dor hyd nes ei fod wedi emylsio. Os yw'r gymysgedd ar unrhyw adeg yn edrych fel ei fod am wahanu, fe ellwch chi ychwanegu un llwy de o ddŵr poeth a'i chwisgo am 15 eiliad.
4. Wedi gorffen yr olew a'r cymysgu, ei flasu a'i sesno gyda halen mân, yna rhoi llwy de o ddŵr poeth i'w sadio. Ei gadw yn yr oergell a'i orchuddio'n dynn.

Gambas al Ajillo - Corgimychiaid mewn Garlleg

Dull:

1. Os ydych chi'n dymuno fe ellwch chi blicio cragen y corgimychiaid i ffwrdd cyn eu coginio.
2. Cynhesu'r olew mewn padell ffrio dros wres canolig.
3. Ychwanegu'r garlleg a'r chilli sych a'i ffrio am oddeutu munud, hyd nes eu bod wedi troi'n lliw euraidd.
4. Codi'r gwres ac ychwanegu'r corgimychiaid, sudd lemwn, sieri a paprika.
5. Cymysgu'r cyfan yn dda a'i ffrio yn ysgafn am oddeutu 3 munud hyd nes bod y corgimychiaid wedi troi'n binc ac wedi cyrlio.
6. Symud y cyfan oddi ar y gwres a gosod popeth ar blât cynnes a'i weini'n syth.
7. Sesno gyda halen a phupur ac ysgeintio â phersli.

Rysetiau

© 2012 S4C
O Gymru / Made in Wales