Cig
Croquette Sbaeneg
Cynhwysion
1 llwy bwdin olew olewydd
2 llwy bwdin o flawd
¼ litr o laeth
1 ŵy
100g briwsion bara
Nytmeg
150g ham, wedi ei dorri'n fân
Halen
1 llwy bwdin olew olewydd
2 llwy bwdin o flawd
¼ litr o laeth
1 ŵy
100g briwsion bara
Nytmeg
150g ham, wedi ei dorri'n fân
Halen
Dull:
- Cynhesu'r olew mewn padell ffrio. Unwaith y mae'n boeth, ei symud oddi ar y gwres ac ychwanegu'r blawd. Cymysgu gyda llwy bren hyd nes bod past esmwyth yn ffurfio.
- Gosod y badell yn ôl ar y gwres, ychwanegu'r llaeth yn araf deg gan ei gymysgu hyd nes ei fod wedi coginio ac yn esmwyth.
- Ychwanegu'r nytmeg, pinsiad o halen a'r ham. Coginio'r gymysgedd hyd nes ei bod wedi tewhau.
- Unwaith mae'r gymysgedd wedi tewhau digon, rhoi'r cwbl mewn powlen a'i adael i oeri.
- Curo'r ŵy.
- Unwaith mae'r gymysgedd wedi oeri, cymryd llond llaw a siapio'r gymysgedd i siapiau hirgrwn (croquette).
- Troi pob croquette yn y gymysgedd ŵy ac yna yn y briwsion bara.
- Ffrio'r croquette mewn padell gyda digon o olew i'w gorchuddio, hyd nes eu bod wedi crasu ac wedi troi'n lliw euraid.
- Draenio ar bapur cegin a'u gweini yn syth.
Porc gyda Gwin Málaga, Almonau a Rhesins
Cynhwysion
800g porc, wedi ei dorri'n gylchoedd
1-2 lwy fwrdd o olew olewydd
1 winwnsyn canolig wedi ei dorri'n fân
2 ewyn o arlleg wedi eu torri'n fân
75g rhesins Málaga
75g tafelli almonau, wedi tostio'n ysgafn
250ml gwin moscatel Málaga (neu sieri)
100ml brandi o Jerez
Halen a phupur
800g porc, wedi ei dorri'n gylchoedd
1-2 lwy fwrdd o olew olewydd
1 winwnsyn canolig wedi ei dorri'n fân
2 ewyn o arlleg wedi eu torri'n fân
75g rhesins Málaga
75g tafelli almonau, wedi tostio'n ysgafn
250ml gwin moscatel Málaga (neu sieri)
100ml brandi o Jerez
Halen a phupur
Dull:
- Sesno'r porc gyda halen a phupur.
- Mewn padell, cynhesu'r olew a ffrio'r porc dros wres canolig am 2-3 munud, gan ei droi a'i frownio. Tynnu'r porc o'r badell a'i rhoi ar blât ar un ochr.
- Yn yr un badell, ffrio'r winwns yn araf am tua 10 munud, hyd nes yn feddal ac wedi troi'n lliw euraidd. Ychwanegu'r garlleg.
- Mor fuan â bo arogl coginio, ychwanegu'r rhesins, y cnau almon, gwin, brandi, halen a phupur. Mudferwi'r cyfan am 15 munud.
- Dychwelyd y porc yn ôl i'r badell a'i fudferwi am tua 5 munud hyd nes bod y cig wedi ei goginio'n dda.
Salad Caws Gafr, Ffa Cynnes a Chorizo
Cynhwysion
75g o Cubetti di Chorizo
1 llond llwy fwrdd o sieri melys
100g o gaws gafr wedi ei friwsioni
300g ffa llydain wedi eu berwi
Dyrniad bach o bersli
3 llond llwy fwrdd o olew olewydd
75g o Cubetti di Chorizo
1 llond llwy fwrdd o sieri melys
100g o gaws gafr wedi ei friwsioni
300g ffa llydain wedi eu berwi
Dyrniad bach o bersli
3 llond llwy fwrdd o olew olewydd
Dull:
- Coginio'r chorizo yn yr olew olewydd hyd nes ei fod yn grimp ac yn lliw euraid.
- Ychwanegu'r sieri melys a'i chwisgio i wneud dresin.
- Rhoi'r ffa cynnes yn y dresin gyda'r chorizo ac ychwanegu'r persli a gwasgaru'r caws gafr dros y cyfan.
- Ei weini mewn powlenni gyda bara ffres.
Albondigas
Cynhwysion
225g briwgig eidion
1 nionyn, wedi ei dorri'n fân
2 ewyn garlleg, wedi eu torri'n fân
1 llwy fwrdd olew olewydd
2 llwy fwrdd sieri sych
250g tomatos wedi eu torri (o dun)
1 llwy fwrdd pimenton picante (paprika sbeislyd Sbaenaidd)
Halen a phupur grawn ffres
Pinsiad o siwgr
Teim ffres fel garnais
225g briwgig eidion
1 nionyn, wedi ei dorri'n fân
2 ewyn garlleg, wedi eu torri'n fân
1 llwy fwrdd olew olewydd
2 llwy fwrdd sieri sych
250g tomatos wedi eu torri (o dun)
1 llwy fwrdd pimenton picante (paprika sbeislyd Sbaenaidd)
Halen a phupur grawn ffres
Pinsiad o siwgr
Teim ffres fel garnais
Dull:
- Gosod y briwgig mewn powlen ac ychwanegu'r nionyn, garlleg, halen a phupur.
- Cymysgu'n dda a'i siapio mewn i 12 pêl cig bach cadarn.
- Cynhesu'r olew mewn padell ffrio fawr a choginio'r peli am 5 munud, gan eu troi'n gyson nes eu bod wedi brownio.
- Ychwanegu'r tomatos, sieri, pimenton a siwgr, gyda halen a phupur i flasu.
- Gorchuddio a choginio'r cyfan yn ysgafn am 15 munud, nes bod y tomatos yn bwlp a'r peli wedi coginio.
- Gweini yn boeth.