Gwylia
Lefel 22
Fan Goch
Creu
Cyflwynwyr
Proffil - Sarra Elgan
- Sarra, sut beth ydi o i weithio ar "Cer i Greu"? Wyt ti'n berson creadigol?
Mae'n rhaglen wych i fod yn rhan ohoni – nes i fwynhau'r profiad yn fawr. Dwi byth a beunydd yn creu pethe gartre – o gemwaith i gerdie dathlu penblwydd!
- Beth wnes ti fwynhau ei greu fwyaf ar y rhaglen?
Popeth! Roedd y dalwyr ffôn symudol a'r cerdiau popio yn wych, heb anghofio'r gemwaith wedi ei wneud allan o binnau a bîds.
- Mae'n amlwg bod Iwan a ti yn cael hwyl ar y set, ond oedd y ddau ohonoch chi'n tynnu coes eich gilydd y tu ôl i'r camera?
Drwy'r amser! Fi yn dweud bod rygbi yn well na phêl droed, ag yntau'n dweud bod pêl-droed yn well na rygbi. Fi sy'n iawn wrth gwrs!!
- Wyt ti'n hoffi creu llanast?
Mae mam wastad yn dweud mai dyna dwi'n wneud ore!! Ond roedd cael creu llanast ar y set, a pheidio cael rhywun yn dweud y drefn yn grêt!
- Beth yw dy hoff raglenni teledu nawr a beth oeddet ti'n hoffi ei wylio fel plentyn?
Dwi wrth fy modd yn gwylio Mawr, Hollyoaks and The Catherine Tate Show. Pan o'n i'n blentyn, pethe fel Top of Pops, Noc Noc a Hafoc.
- Ti'n cael gwisgo llawer o ddillad gwahanol fel cyflwynydd teledu yn dwyt? Beth yw dy hoff ddilledyn yn y byd ar y funud?
Mmmm. Par o fwts cowboi nes i brynu pan o'n i ar wylie yn Marbella yn ddiweddar dwi'n meddwl. Mae nhw'n edrych yn retro ac yn hen ac mae nhw'n mynd da phopeth!
- Beth yw dy hoff liw?
Wel, mae pinc a melyn wastad yn gwneud i fi wenu, ond fydda' i'n hoffi gwisgo dillad lliw brown, du a gwyrdd tywyll.
- Beth yw dy hoff fwyd?
Popeth sydd ddim yn dda i fi yn anffodus! Peidiwch a gofyn pam, ond ar y funud dwi jyst methu cael digon o fajitas cyw iâr am ryw reswm!!
- Oes gen ti anifail anwes?
Oes, mae cath 'da fi o'r enw Swti. Mae hi'n lyfli... Ac mae hi'n deall Cymraeg! Mae hi'n byw gyda fy rhieni, gyda Darcy y ci. Naethon ni ei achub e o gartre cŵn.
- Rwyt ti hefyd yn cyflwyno rhaglen Rygbi 100% ar S4C. Pa dîm ti'n gefnogi?
Gan bod Simon, fy ngŵr yn chwarae i Lanelli, dwi'n gefnogwr Sgarlets brwd. Roedd dad yn arfer chwarae i Gastell-nedd pan o'n i'n fach, felly Castell-nedd bryd hynny.
- Oes na chwaraeon eraill ti'n fwynhau?
Oes, dwi'n hoffi gwylio pêl-droed hefyd – er peidiwch dweud hynny wrth Iwan! Pan o'n i yn yr ysgol, o'n i'n arfer chwarae tenis i Dde Cymru a hoci dros Gymru.
- Ydi creu a chyflwyno ar yr un pryd yn anodd?!
Mae'n anoddach 'na chi'n meddwl! Mae'n rhaid canolbwyntio ar beth y' chi'n ddweud A beth y' ch chi'n wneud!!
- Beth ydi dy noson allan ddelfrydol di?
Gwneud unrhywbeth yn unrhywle gyda fy nheulu.
- Sut gerddoriaeth fyddi di'n wrando, ac oes i-pod gen ti?
Oes mae i-pod gen i, a dwi'n mwynhau pob math o gerddoriaeth. Yn benna' fydda' i'n hoffi Girls Aloud, Keane, Embrace, Sibrydion a Cofi Bach a Tew Shady.
Proffil - Iwan Price
- Da ni heb dy weld di o'r blaen ar S4C, sut nes ti gael y swydd yn cyflwyno "Cer i Greu" – oedd rhaid i ti wneud rhywbeth creadigol?!
Roedd rhaid i mi wneud i CD i hedfan yn defnyddio balwn! Mae'n swnio'n hawdd ond 'nes i draed moch llwyr ohoni - 'roedd yr holl beth yn ddigri iawn!!
- Sut beth ydi cyflwyno gyda Sarra Elgan? Oeddech chi'n tynnu coes eich gilydd?
Odd Sarra yn grêt!! Oni'n teimlo'n gyfforddus iawn yn gweithio hefo hi a gawson ni lot o hwyl. Odda ni'n tynnu coes ein gilydd lot, fel arfer am fod pêl-droed yn gêm llawer gwell na rygbi!
- Beth oedd y peth anoddaf am gyflwyno a chreu ar yr un pryd?
Roedd pob dim yn newydd i mi felly roedd angen dod i arfer. Y peth anoddaf oedd gwneud yn siwr nad oeddwn yn cuddio y gwaith oddi wrth y camera wrth i mi greu - fel bod pawb adra yn cael gweld be' sy'n mynd 'mlaen.
- Pa raglenni teledu eraill ti'n fwynhau ar S4C?
Sgorio a C'mon Midffild
- Sut wyt ti'n ymlacio?
Chwarae golff os fydd y tywydd yn braf - sydd ddim yn aml iawn yn anffodus!
- Beth oedd y peth gorau nes ti greu, a pha un o'r pethau nes ti greu fyset ti'n hoffi ei gadw fwyaf?
Roedd Y Blobs yn cŵl iawn - petha' grêt i'w sgwasho! Swn i hefyd 'di licio cadw'r llun silhouette mawr lliwgar naethon ni greu ar un rhaglen.
- Beth oeddet ti eisiau ei fod pan oeddet ti'n fach? Ydi o wedi dod yn wir?!
Sam Tân neu Eric Cantona. A na, tydi o heb ddod yn wir eto, 'dwi'n dal i ddisgwyl i Sir Alex ffonio!!!!!
- Beth ydi dy gynlluniau di am y flwyddyn nesaf?
Gorffen fy ngradd ym Mhrifysgol Caerdydd a gobeithio cael creu mwy o betha' ar gyfres arall o CiG.
- Ar ba fath o gerddoriaeth fyddi di'n gwrando arno i ymlacio, ac wyt ti'n berchen ar i-pod?
Yndw wir, mae o 'mlaen i o hyd! 'Dwi'n gwrando ar hip-hop fel arfer, Snoop Dogg a Jay-Z. Mae sdwff Genod Droog yn cŵl - 'naethon ni ddefnyddio un o'u tracs nhw ar y rhaglen. Hefyd gwyliwch allan am y Zootechnics dros y misoedd nesa', ma' nhw'n dda iawn.
- Beth yw dy hoff liw?
Coch - lliw 'kit' Man U.!
- Beth yw dy hoff fwyd?
Hufen ia. Mmmmmm.
- Oes gen ti anifail anwes?
O'n i'n arfer cadw ceffylau ond ar y funud, ond Sana y gath fach sydd gen i i gadw cwmpeini i fi. Gobeithio gai fwy o geffylau yn y dyfodol achos o'n i'n mwynhau marchogaeth.
- Ti'n cadw'n heini?
Dwi di "slacio" yn ddiweddar de!!! Ond pan a'i 'nôl i Gaerdydd, 'dwi am hitio'r "gym" mor aml a phosib!
- Sgen ti hoff dîm pêl-droed, ac os oes pwy ydyn nhw a phwy ydi seren y tîm yn dy farn di?
Manchester United. Ronaldo (winc winc!!!). Ma' Giggs fel gwin da ac yn gwella efo oed, mi fydd o ar dân tymor yma!!
- Beth ydi'r peth pwysicaf am fis Awst yn dy farn di?
Ma'r tymor pêl-droed yn dechra eto!! United am y treble blwyddyn yma. Ma Ronaldo a Rooney dal yn ffrindia ac mi fydd y ddau yn rhy dda i bawb!! Mae timau Cymru yn edrach yn gryf hefyd, gwyliwch allan am Owain Tudur Jones yn Abertawe.
- Ti'n hoff o wisgo dillad yn dwyt? Beth ydi dy hoff ddilledyn yn y byd ar y funud?
Fy nghôt Belstaff, ma jysd rhy cŵl!! Dwi'n licio jîns G-Star ar y funud hefyd.
- Faint o 'gel' ti'n dueddol o wisgo yn dy wallt?
DIM LOT!!!!!! Tip steil Iwan - "blow dry" i 'chydig o gel i fewn i'ch gwallt wrth ei sychu o... wedyn steilio!!
Dolenni
Deunydd Celf a Chrefft
Nid yw S4C yn gyfrifol am gynnwys gwefannau allannol