Mae'r canu wedi distewi, a'r llen wedi cau ar gystadleuaeth Côr Cymru 2009. Roedd y canu yn y rownd derfynol yn neilltuol o dda, gyda safon uchel iawn gan bob côr. Gall Cymru gadw ei choron fel Gwlad y Gân yn ddi-os. Pob hwyl i'r corau i gyd a dymuniadau gorau am bob llwyddiant yn y dyfodol.
Arweinydd Côr Plant Ysgol Gerdd Ceredigion, Islwyn Evans:
"Roedd cystadlu yn rownd derfynol Côr Cymru yn dipyn o her i'r ddau gôr ar ôl llwyddo yn y rownd gynderfynol. Roedd yn rhaid iddyn nhw weithio'n galetach fyth i greu argraff yn y rownd derfynol gan fod y safon mor uchel. Roedd hi'n noson gofiadwy a'r awyrgylch yn un arbennig iawn yn Aberystwyth ac roedd y bois yn y côr ieuenctid yn hapus iawn dros y côr iau - mae'r gystadleuaeth yn un gyfeillgar rhyngddyn nhw."
Mae cyfnod prysur yn wynebu'r côr ieuenctid yn y misoedd nesaf gyda chyngherddau yn Neuadd Albert , Llundain, a Gŵyl Ryngwladol Cernyw. Mae'r côr plant yn cael hoe nawr ar gyfer yr arholiadau ond byddan nhw'n perfformio a chystadlu unwaith eto yn yr haf.
© 2012 S4C
O Gymru / Made in Wales
