Er bod y cwis yn seiliedig ar reolau rygbi - mae'r tîmau'n ateb cwestiynau i sgorio ceisiau, trosiadau a golau adlam (gweler y fideo 'Sut i chwarae') - mae'r cwestiynau'n gofyn am wybodaeth gyffredinol eang yn hytrach na gwybodaeth am chwaraeon yn unig.

Mae'r timau sy'n cymryd rhan yn cynrychioli clybiau rygbi o bob cwr o Gymru, ac mae'r gwobrau sydd i'w hennill - peli rygbi, offer hyfforddi, cit ac yn y blaen - o fudd i'r clwb cyfan yn hytrach nag yn wobrau i'r cystadleuwyr unigol.

Mae Undeb Rygbi Cymru wedi helpu tuag at adeiladu'r gronfa wobrau, gan ddarparu'r brif wobr i enillwyr y gyfres - diwrnod mawr yn y clwb buddugol, lle bydd sêr Undeb Rygbi Cymru ac arbenigwyr wrth law i gynnig cyngor ac arbenigedd i'r tîm a fydd yn siwr o wneud gwahaniaeth mawr i'r clwb yn y dyfodol.