Enw:
Dafydd Francis
Oedran:
14
O le:
Porth
Teulu:
Julie (Mam), Evan (brawd)
Ysgol:
Y Cymer
Beth wyt ti'n astudio?
Ar hyn o bryd rwy'n blwyddyn 11. Fy hoff bynciau yn yr ysgol yw Cyfryngau a Drama.
Diddordebau?
Rwy'n hoff iawn o dynnu lluniau. Rwy'n hoffi pobl enwog ac yn mwynhau darllen cylchgronau am y bobl enwog yma i weld beth maen nhw'n gwneud i ffwrdd o'r camera neu o'r spotlight. Hefyd, rwy'n addicted i Big Brother - rwy'n bwriadu gwario'r haf i gyd yn gwylio beth sy'n mynd ymlaen yn y tŷ.
Ffaith ddiddorol/ddoniol amdanat ti?
Pan oeddwn i'n ifanc roeddwn i eisiau bod yn ‘Spy' Dwi hefyd yn hollol obsessed gyda gherkins.
Pwy yw dy arwyr?
Britney Spears
Beth yw dy hoff raglenni ar S4C?
Caerdydd - mae'r gyfres yma yn ffab ac rwy'n mwynhau gwylio dramâu cyfoes fel Caerdydd.
Beth oeddet ti'n disgwyl pan wnaethoch chi ddechrau'r gyfres?
Roeddwn i'n disgwyl newid fawr ynof i fy hunain ac roeddwn eisiau herio fy hunain i weld os fydden i'n gallu newid i fod yn wyrdd.
Beth yw'r peth anoddaf am fynd yn wyrdd?
Gorfod meddwl am droi pethau technegol i ffwrdd ac oddi ar standby, mae'n creu mwy o waith i fi!
Beth yw'r peth gorau am fynd yn wyrdd?
Roedd mam yn wyrdd i ddechrau - mae hi'n gredu fod yr holl bethau yma yn bwysig iawn a dylen ni gyd fod yn helpu'r amgylchedd. Cyn y gyfres roedd hi'n ailgylchu, troi'r trydan bant i'w harbed - y pethau pwysig, bach mae'n rhaid ini wneud.
Beth wyt ti wedi dysgu ers iti ddechrau ffilmio'r gyfres?
Rwy wedi dysgu fod mynd yn wyrdd yn bwysig iawn a dylai pawb fod yn dilyn esiampl.
Pwy allan o dy deulu sydd wedi cael yr anhawster fwyaf wrth geisio mynd yn wyrdd?
Fi - roedd angen newid llawer o bethau sy'n bwysig iawn ifi yn fy mywyd i bob dydd, fel teledu (sut ydw i fod gwylio Big Brother heb deledu?!), straighteners gwallt, cerddoriaeth. Rwy'n ddibynnol iawn o'r rhain i gyd pob dydd.
Pa sialens oedd gorau gennych chi i wneud?
Fashion show without a doubt. Rwy'n hoffi dillad ac yn dilyn ffasiwn hefyd felly roedd y sialens yma yn brofiad gwych ifi cyfuno fy niddordebau gyda troi'n wyrdd.
Pa sialens oedd anoddaf?
Y sialens goginio oedd yr anoddaf, roedd yn rhaid i ni goginio pryd o fwyd a oedd yn ddinistriol iawn i'r amgylchedd a hynny i'r cogydd enwog Dudley! Roedd y pwysau arnom i ni gynnwys cymaint o gynhywsion a phosib o wledydd pell – hyn i gyd gan gofio bod Dudley yn blasu'r bwyd!
Pa gyngor fydde ti'n rhoi i deulu a oedd eisiau dilyn eich esiampl chi?
Pob lwc!! (gan chwerthin) Mae hi'n broses anodd dros ben ac mae angen will-power mawr ar unrhyw un sydd eisiau droi'n wyrdd.
Sut mae'r broses wedi effeithio arnoch chi fel teulu?
Rwy bendant wedi gweld newid yn fy hunain am y gorau ers dechrau Cwm Glo Cwm Gwyrdd. Hefyd, rwy bob tro yn troi trydan i ffwrdd pan dydw i ddim yn eu defnyddio.
Os rhywbeth fyddech chi'n newid am eich amser ar y gyfres?
Hoffwn i pe tawn i wedi bod yn fwy gwyrdd yn ystod y rhaglen, mae yna bethau bach syml y gall pawb i'w wneud, ond ar ol hynny mae cant a mil o bethau eraill gall un ei wneud i fyw bywyd gwyrdd. Yn bendant mi fuaswn i'n cymryd rhan yn y gyfres eto.
© 2012 S4C
O Gymru / Made in Wales