Jîns
Par o jîns da. Peidiwch â phrynu jîns sy'n gul ar y gwaelod. Coes syth sy'n siwtio y rhan fwya' o ddynion neu bwtleg i fechgyn ifanc.
Crys
Crys sydd yn ffitio'n eitha' agos at y corff gydag ychydig o lycra ynddo gan sicrhau bod coler cadarn fydd yn cadw ei siâp yn dda. Os ydych yn foliog mae'n fwy 'flattering' os yw'r crys ychydig yn llac ond peidiwch a'i roi yn eich trowsus gan y bydd hyn yn chwyddo siâp y bol.
Siwmper feddal
Yn ddibynnol ar eich oed. Crysau chwys gyda logos i'r ifanc a siwmperi sydd wedi eu gweu yn fân yn siwtio pob oed. Gallwch eu gwisgo dros grys t neu grys gyda choler.
Trowsus Smart
Trowsus smart sydd yn fflat ar y blaen (pletau wedi mynd allan o ffasiwn ac yn hyll yr olwg). Ewch am liw llwyd neu frown ac mae du wastad yn opsiwn saff hefyd. Eto, coes siâp syth nid cul ar y gwaelod.
Crys t
Crys t o ansawdd dda. Naill ai crys polo neu chrys t â choler crwn. Mae hi'n werth gwario mwy ar grys t gan fod y cotwm yn golchi ac yn edrych yn well.
Sgidiau
Esgidiau lledr cyfforddus gyda sawdl rwber. Y math o esgid sy'n gallu cael ei gwisgo yn ystod y dydd neu'n llai ffurfiol yn y nos. Rhai plaen sydd orau, steil sy'n cael ei dynnu ar y droed (nid slip ons) ac ychydig o fanylion arnynt. Lliw tan tywyll, brown neu ddu.
- CWPWRDD DILLAD