Alun ar ei ddelwedd...

Y ddelwedd dwi'n ei roi allan gobeithio yw un fodern, trwsiadus ac yn addas i'r achlysur. Pryd dwi'n prynu rhywbeth rwy wrth gwrs yn meddwl sut fyddai hyn yn edrych mewn pulpud, ar lwyfan y genedlaethol, os ydych chi'n beirniadu chi ar lwyfan ac mae pobl yn hoelio'u sylw arnoch chi. Ym myd cerddoriaeth mae'n rhaid i chi siarad gydag awdurdod. Roedd fy nhad yn ddyn cyhoeddus a dywedodd o wrthyf i 'y peth cyntaf mae rhywun yn gweld cyn i ti hyd yn oed agor dy geg yw dy wisg di, a dy osgo di, y ffordd wyt ti'n sefyll'.

Alun ar ddillad drud...

Mae gen i wendid am ddillad, dwi'n cyffesu hynna gerbron y genedl. Dwi byth yn gofyn y pris - prynu'n rhad prynu eilwaith ddweda i. Dwi'n hoffi designer labels - Hugo Boss ac ati.

Alun ar wisgo ar gyfer achlysur arbennig...

Os wy'n mynd allan gyda merch ac yn mynd â hi am ginio, dwi isio edrych yn drwsiadus. Ac rwy'n cymryd llawer o amser a gofal dros fy ymddangosiad achos mae'n compliment i'r person ti allan gyda nhw.

Alun ar ddillad cyfnod...

I mi mae cerddoriaeth gyfoes wedi stopio gyda'r Beatles, does dim byd tebyg iddyn nhw wedi bod wedyn. Ond beth wnaethon nhw hefyd oedd siglo seiliau cymdeithas gyda'r gwisgoedd a dwi'n cofio mynd i Carnaby Street a prynu kipper tie a fy ngwraig yn prynu côt yn mynd reit lawr i'r llawr a daethon ni adre ac roedd mam a dad yn ffili credu'r peth!