Dwi'n dwli ar ddillad a dwi ddim yn gwisgo i neb ond fi fy hun. Dwi'n cofio Mam yn dweud wrtha i a'n chwaer am sefyll yn llonydd gan ddod a phapur newydd o'n blaen a thorri patrwm allan o'n hamgylch ni, wedyn fe fyddi'n gwneud y ffrogiau fwyaf bendigedig! Ffrogiau gyda smoc arnyn nhw, roedd hi wastad yn gwisgo ni'n bert. Dechreuais i adrodd yn chwech oed ac roedd yn chwaer yn dair ond fe gadwais i ymlaen nes i mi ennill Gwobr Goffa Llwyd o'r Bryn pan o ni'n ddwy ar hugain yn Eisteddfod Genedlaethol Fflint. Roeddwn ni'n gwisgo sodla uchel, frog gwta gyda gwaelod glas tywyll a thop gwyn. Roedd hi fel taswn ni i fod i'w gwisgo hi achos roedd y rhuban glas yn edrych yn neis iawn arni.

Rydych chi'n hoff iawn o fynd ar longanu 'cruise', beth sydd yn apelio cymaint i chi?

Eich bod chi'n colli'ch hunan yn llwyr mewn byd arall, ac mae'n gyfle i wisgo lan eto. Mae'n nillad cruise i yn weddol hen a dweud y gwir ond am un wisg. Es I lawr i siop Edida J wythnos ddiwethaf dim ond i drio ffrog ymlaen a dim i'w brynu, doeddwn ni ddim yn mynd i brynu o gwbl. Ond, beth wnes i? Ei phrynu hi! Ar y cruise, os oes ganddo'ch chi bum noson formal, wel mae'n rhaid mynd a'r cwbl i gyd achos os ydyn nhw'n dweud semi formal dwi'n gwisgo fyny i rheiny hefyd!

Beth yw'r hanes tu ôl i'r ffrog flodeuog yma?

Fe wysgais i hon ar y cruise ar y noson oedden nhw'n tynnu lluniau, ac fe ddywedais i wrth yn chwaer, "W! Mi fyddai'n gallu ffendio'n hun yn y llun bore 'fory achos mi fydd y ffrog yn sefyll mas". Wel, ges i sioc, mi o ni bron a bod yn ugain stôn ac yn 24 oed yn gwisgo un ffrog. Roedd y Captai'n Cocktail Party y noson wedyn ac fe ddwedais i wrth y Capten, "Os ydych chi moyn y ffrog hon i hongian ar y mast allech chi gael e", a wysgais i byth mor ffrog wedyn.

Sut wnaethoch chi gyfarfod eich gŵr yn Singapore?

Tair ar hugain oed oeddwn i yn hedfan mas i Singapore ar VCIO. O'r funud gyntaf oeddwn i yno roeddwn ni'n meddwl, dyma baradwys. Roedd yn ffrind a mi yn eistedd yn cael Singapore Sling, a welais i'r swyddog o'r fyddin yn dod. Capten oedd e yn ei gar TR2 yn ei gap a'r cyfan i gyd, ac fe drois i at fy ffrind a holi, "O! Pwy yw hwnna?". Gwrddom ni ym mis Tachwedd, ac fe briodo'n ni ym mis Awst.

Beth ydy hanes eich ffrog briodas chi?

Pan ddes i a hi yn ôl roedd mam yn ei licio hi, ond, doedd hi ddim yn gweld digon o gwt iddi, roedd pobol yn gwisgo cwtie hir adeg hynny. Felly fe fuodd yn rhaid i'n chwaer dynnu pob pishyn o dan ei ffrog briodas hi er mwyn i mi gael cwt hir tu ôl i'n un i. Ond roedd hi'n ffrog neis. Fe fuom ni gartre am wythnos cyn priodi ac wedyn hedfan mas i Frunei wedyn. Roedd y gŵr wedi cael secondiad at fyddin y Sultan ac roedd hynny'n hollol wahanol i Singapore. Tri diwrnod cyn mynd bant es i draw i B J Jones a phrynu chwe ffrog ac mae tair ar ôl gen i. Fe ges i ddawnsio gyda'r Saultan a dwi'n cofio nawr beth oedd amdanai - ffrog halterneck goch, fe es i ato a gofyn a hoffai e ddawnsio, ond fe ddywedodd o ei fod wedi cael dolur ar ei goes yn chware polo'r bore hwnnw. Ac fe ddwedais I, "O! Farwai os oes rhaid i mi gerdded yn ôl heb fo chi wedi dawnsio a mi". Chwerthinodd e, ac fe gododd a dawnsio gyda fi am ddwy funud. Felly, dwi wedi dawnsio gyda'r dyn cyfoethocaf yn y byd.

Wedi i chi golli'ch gŵr a newidiodd eich steil chi o gwbwl?

Brynais i ddim dilledyn am dair blynedd wedyn. Ond mi ddihunais i un bore ac o ni'n teimlo fel tase rhywbeth wedi codi, fel tase hi'n werth codi heddiw. Dwi'n cofio mynd a mam i siopa yn y dre a meddwl fod rhywbeth yn bert, a dyma hithau'n dweud; "Dwi'n ffili credu Ann na dydach chi ddim wedi prynu dim ers blynydde"! Wel, dyna'i diwedd hi! Mi brynais i dair out-fit y diwrnod hynny, a dydw i ddim wedi stopio wedyn! Dwi'n gwisgo i fi fy hun, dwi ddim yn gwisgo i neb arall . Beth bynnag dwi moyn mi brynai o achos mae o'n rhywbeth i fi, dwi ddim yn becso beth mae neb arall yn feddwl. Os ydw i'n hapus yn fy nillad, dwi'n mynd mas yn hapus - dwi'n dwli ar ddillad.