Arwel: Dwi rioed 'di licio bod yn rhan o'r crowd, y defaid yn dilyn ei gilydd os lici di, dwi 'di licio bod yn wahanol o ran dillad erioed.

Nia: Oes gen ti gof pan oeddet ti'n tyfu fyny yn Llandwrog bo'ti wir yn licio dillad a steil a ffasiwn?

Arwel: Na, dim gymaint a hynny ond dwi yn cofio 'mod i wedi creu andros o drafferth i fy mam. Odd y rhan fwyaf o fechgyn yr un oed a mi fewn i bêl-droed ac yn gwisgo siwmperi 'Pringle'er enghraifft, y math o bethau oeddwn i'n gysylltu efo dynion mewn oed. Felly o'n i'n licio lot o bethau du a hen gotiau fy Nhaid a gwasgod, unrhyw beth i fod yn wahanol yn lle bod yn rhan o'r crowd mawr boring o ran dillad.

Nia: Be oedd y dylanwadau arnat ti - sêr ffilm, cerddoriaeth, arwyr?

Arwel: Dwi'm yn gwybod i fod yn onest efo ti. Ma'dylanwad ffilm wedi bod yn fawr ar fy mywyd i gyd mae'n siwr. Ers pan o'n i'n blentyn, dwi 'di caru ffilmiau yn fwy na dim byd arall a dyna pam dwi'n gwneud be dwi'n ei wneud rwan. Ac mae'n siwr, bod y teip o ffilmiau oeddwn i'n eu gwylio yn blentyn mae'n siwr eu bod nhw 'di effeithio rywfaint ar fy newis dillad i. Ma''na ambell beth faset ti'm yn ei gael mewn cwpwrdd dillad neb arall fysa ddim i fewn i'r math o ffilmiau dwi fewn iddyn nhw dwi'm yn meddwl.

Arwel: Y stori orau am hwn ydi lle brynais i o - o siop anrhegion yn Euro Disney! Odd o'n rywbeth dwi 'di bod eisiau erioed.

Nia: A'r llewys yn clymu fel hyn, oes gen ti drowsus sy'n mynd efo'r crys?

Arwel: Digwydd bod oedd genai rai oedd yn mynd efo'r crys beth bynnag. Fyddai'm yn eu gwisgo nhw mor aml y dyddiau yma, falle 'mod i wedi tyfu allan ohonyn nhw rywfaint, ddim yn gorfforol ond o ran steil neu ddipyn bach o'r ddau falle.

Nia: Ma'nhw'n drowsus sy'bendant yn sefyll allan tydyn nhw!

Arwel: Ma'r crys yma o siop ail law dillad y 70au yng Nghasnewydd. Faswn i'n dal yn mynd i siop ail law i siopa. Ma'n eitha anarferol.

Nia: Ti'n licio'r syniad o wisgo rhywbeth ma'rhywun arall wedi'i wisgo?

Arwel: Nes i'm meddwl am hynny rili, nes i weld o ac oedd o'n sefyll allan ac mae'n unigryw ac mae wedi cael ei olchi do!

Arwel: Y crys hyna sgenai, fy hen grys ysgol sy'n dal i fy ffitio!

Arwel: Ma'genai grys felfed, unrhyw esgus i gael merched i 'strokio'fi!

Arwel: O'n i 'di bod eisiau, ers blynyddoedd, siaced 'biker'yn ddeunaw oed ac mi ges i un gan fy rhieni ac mi wisgais i hi nes oedd hi'n ddarnau ond mi gath hi'i dwyn yn y diwedd, oedd yn bechod achos o'n i wastad yn deud os fase'r siaced yna'n gallu siarad, fase hi'n gallu dweud lot fawr amdana i.

Nia: Ma'Arwel yn dal i licio lledr...

Arwel: Côt nath ddim gael ei defnyddio a brynwyd ar gyfer Dr Who oedd hon, felly mi ges i ei phrynu yn rhad iawn ar y diwedd.

Nia: Ma'r gôt yma'n edrych fel rhywbeth allan o'r ffilm 'Matrix'!?

Arwel: A, wel, dyma'r un 'Matrix'fel petai, ges i hi'n anrheg dolig tua dwy flynedd yn ôl achos unwaith eto, odd fy nghariad i'n gweithio'n Morroco ar y pryd ac mi nath i gael dyn o'r farchnad oedd yn edrych tua run maint a fi a mynd a fo mewn i gael tri 'fitting'i gyd i wneud y gôt yma i mi!

Nia: Ac ydi hi'n ffitio berffaith?

Arwel: Bron a bod ydi, falle ei fod o wedi bod 'chydig bach yn dalach na fi achos mae o jyst yn cyrraedd y llawr. Bydd rhaid i mi wisgo Cuban heels efo'r gôt!

Nia: Fedrai'm peidio sylwi ar yr holl 'watches'yma!

Arwel: Fy hen wncl i oedd bia hon, ac mi oedd o wedi ei chael hi ar ôl hen gapten llong o Llandwrog. Dwi'n licio pethau sydd â 'chydig o hanes iddyn nhw. Faswn i byth yn ei gwisgo rhag ofn i rywbeth ddigwydd iddi.

Arwel: Dwi'n meddwl ei bod hi'n wir i ddweud am bawb, rhwng dy arddegau di fyny at ganol dy ugeiniau di, ti'n trio ffeindio pwy wyt ti a beth wyt ti eisiau'i wisgo. Mae'n rhan o'r siwrnai o ffeindio allan mwy amdanat ti, dwi'n meddwl 'mod i'n agosach at hynny bellach. Dwi'm yn deud, falle 'mod i'n prynu dillad gwahanol ac yn newid yn aml ond faswn i'n deud bod y steil ei hun os lici di bellach yn agosach ac yn aros yn lefel.