Beth yw hanes y sgert yma?

Fe wnes i brynu'r defnydd yma ym Mhatagonia ar gyfer gwneud sgert. Mae'r bais yn mynd o dan y sgert a dwi wedi gwnïo strip o'r defnydd ar y bais fel bo ti'n gallu ei weld e dan y sgert. Y syniad yw y galle ti newid y bais a'r patrwm. Mae'r darn yma o hen pillow-cover, ac un dydd roeddwn i mewn tafarn ac fe ddywedodd rhywun wrtha'i eu bod nhw yn adnabod y parwm fel eu dillad gwely nhw pan oedden nhw'n fach!

Sut mae dy yrfa di mewn dillad wedi datblygu?

Nes i flwyddyn a hanner o radd cynllunio tecstilau ac yna blwyddyn a hanner ar gelf tecstilau cyn mynd i Barcelona i weithio mewn theatr ar y Ramblas yn yr adran wisgoedd oedd yn brofiad da. Wedyn es i i'r Ffindir i wneud art residency am gwpwl o fisoedd cyn dychwelyd yno am chew wythnos i wneud prentisiaeth gemwaith fel cyfrwng celf.

Mae'r siaced yma yn fendigedig.

Fe brynais i'r siaced yma mewn siop elusen, roedd e'n rhy fawr i mi felly fe wnes i winio seams fan hyn i wneud iddi fy ffitio a dilyn y streip yn y siaced. Dwi hefyd wedi rhoi darnau bach coch ar y goler i fynd gyda'r botwm.

Yn lle fyddi di'n gweithio?

Hen fflat Nain, dwi wedi bod yn defnyddio'r lle ers iddi farw. Roedd hi'n eithaf anodd ar y dechrau ond, dwi'n meddwl y bydda hi'n falch iawn achos roedd hi'n arfer gwnio lot a ma' popeth gyda hi, mae'r tŵls i gyd fan hyn hefo pob math o gadget gwnio y medrwch chi feddwl amdano! Roedd nain wastad yn son ei bod hi yn gosod safonau uchel iddi hi ei hun wrth wneud dillad.

O le ddaeth y gardigan yma?

Fe wnes i ei brynu fel sgarff o siop elusen a'i wneud yn gardigan llawes hir. Pan welais i e fe feddyliais i y bydda fe'n neis fel cardigan yn hytrach na sgarff. Dwi'n teimlo fod y dillad dwi yn eu gwneud yn esbonio'n mywyd i ac yn esbonio pwy ydw i.