Chris: Wy'n licio gwisgo lan yn enwedig yn y nos ac os wy'n mynd i ryw fwyty ym Mhen-y-Bont ar Ogwr neu Gaerdydd, ma' nhw gyd yn troi rownd a dweud 'waw, what's that love?!' Mae'r ymateb yn ffab!

Nia: Ydi sefyll allan yn bwysig i ti?

Chris: Mae yn bwysig i mi achos bo' fi'n meddwl bo' fi'n iawn a phawb arall yn anghywir. Fi yw 'guru' y dillad a wy'n cael lot o 'feel factor' da mas o ddillad.

Chris: Mae'r trowsus yma'n ffantastig ar gyfer y capel. Ma' pobl capel yn meddwl ei fod yn deyrnged i Gibraltar - 'Rock'?!

Nia: Mae'r crys yma'n ffantastig, dwi'n meddwl bod gyda Nain fag tebyg i hwn!

Chris: Wy'n licio boxer shorts, g-strings a thongs gyda 'motives' ar rai ohonynt - ma' 'da fi un pâ gyda 'hunky boy' arnynt a thongs gyda diamante arnynt! Ma' rhai yn dweud wrtha i "ti phili gwisgo pethe fel 'na dy oed di!" a wy'n dweud "watch me love!"

Chris: Wy byth wedi tyfu lan. Fi sydd ar y crys yma!

Nia: Beth ydi apêl gwisgo pethau gyda tyllau ynddyn nhw?

Chris: Wy'n licio nhw, ma' nhw'n mod nag yn nhw? "Keep young and beautiful", 'na beth ma' nhw'n gweud! Brynes i'r rhain yn Durham 'da ffrind. A merch tu ôl i'r cownter yn gweud "For your son love?"..."For me" wedes i!

Nia: Felly, os ti'n gwisgo'n ifanc, ti'n teimlo'n ifanc?

Chris: Ie, rhaid i ti drio! Gofynnodd rhywun i fi unwaith "Haven't you got a fanclub?" Wrth gwrs wedes i a nid enw plaen fel The Chris Needs Fanclub ond 'The Chris Needs Friendly Garden Association Affiliated Limited Twice' wedes i. "I'll join you love" medden nhw. A ma' clwb 'da fi - 30, 000 o bobl yn yr 'ardd'. Wy'n mynd mas mewn 'motor home' o gwmpas y wlad i gyd pan wy'n gwneud sioeau. Mae'n handi cael lle i gael cawod, newid dillad, gwylio Pobol y Cwm a cwato hefyd.

Nia: Wyt ti'n medru dawnsio flamenco?

Chris: Wel, trio! Bob tro wy'n gwneud sioe, wy'n mynd amdani! Wy jyst ishe dangos i bobl mai dyma yw'r Chris Needs iawn! Ma' nhw'n licio gweld stwff o Sbaen achos wy'n chwarae lot o stwff ar y radio - cerddoriaeth flamenco ayb. Trowsus 'bellbottom' a sowdlau 'cuban' wy'n wisgo ar gyfer hyn. Mae'r bobl yn dwli ar y 'bling' a'r dillad gwyllt iawn.

Nia: Pryd wyt ti'n mynd i ddefnyddio bag fel hyn?

Chris: Wy'n defnyddio'r bag bach aur yma i wneud 'statement'! A bob tro wy'n gwneud sioe, fi'n cerdded mas 'da'r gag 'ma achos wy wastad wedi bod yn conan am ddynion a bagiau felly wy'n trio gwneud 'statement' wrth gario'r bag yma.

Nia: Ma' gyda ti fwy o atodion na fi!

Nia: Sut mae aur yn neud i ti deimlo? Yn smart?

Chris: Fel wedodd Dolly Parton mae'n cymryd lot o arian i edrych yn 'cheap' fel hyn!

Chris ar ddillad...
O'n i'n arfer mynd i Gibraltar yn wythnosol i siopa. Nes i lwyddo i wario £6000 ar un sbri un tro rhwng hurio car, gwesty neis iawn, bwyta allan, sioe a dillad wrth gwrs! Wy'n credu bod rhywbeth yn bod 'da fi o ran dillad, wy'n meddwl bod angen sbel arnai mewn ysbyty. Ond, wy'n edrych nôl ar rai o'r dillad a'n cofio cyfarfod ffrind hwn neu'r llall pan yn gwisgo dilledyn arbennig felly sai moen cael gwared ohonynt, no way jose!