Elin: Y pecyn mwya’ poblogaidd ydi’r 'total makeover’ fel ydan ni’n ei alw fo. Fel arfer, ti angen rhywun arall i ddod i fewn i dy dy di a sbio ar y dillad a deud 'oes, mae gen ti bethau y galli di eu gwisgo ond fel hyn ti isho eu gwisgo nhw’. Felly dan ni’n rhoi gwisgoedd efo’i gilydd ac yna yn y pnawn, ewn ni i siopa am y dillad newydd yma ma’ nhw’i angen. Fel arfer dim ond ryw un neu ddau o eitemau sydd eu hangen i adio at eu cwpwrdd. Dan ni’n trio gwneud pobl yn fwy hyderus felly dan ni’n trio rhoi dillad arnyn nhw sydd yn mynd i’w gwneud nhw deimlo’n neis. Wedyn os ydyn nhw’n edrych yn neis, ma’ nhw’n teimlo’n neis ar y tu fewn.

Elin: Dwi yn tueddu o gael gwared o'n nillad i ond dwi'n cadw fy atodion achos fedri di drawsnewid gwisg gyda'r atodion iawn.

Nia: Ti’n amlwg yn hoffi gwisgo cadwyni mawr dwyt?

Elin: Ydw, dwi wrth fy modd yn gwisgo rhai sy’n gwneud 'statement’. Fel arfer dwi’n gwisgo mwy nag un efo’i gilydd.

Nia: Ti’n licio’r syniad bo’ ti’n cael rhai o siopau elusen hefyd? Bron bo’ ganddyn nhw 'chydig bach o hanes hefyd?

Elin: Ydw yn sicr. Ma’ nhw’n reit unigryw wedyn tydyn. Dwi’n licio’r syniad hynny.

Nia: Be’ am sgidiau felly? Ma’ gen ti lot o’r rheiny does?

Elin: Oes! Y rhai Prada gwyrdd – oddan nhw lawr o tua £250 i £70 a dwi’n dal i’w cadw nhw yn y bag fel petaent werth tua £500!

Elin: A dwi byth 'di gwisgo’r rhai coch, 'Dorothy’ ond falle nai eu gwisgo nhw Gaeaf yma.

Nia: Wyt ti 'di gwneud unrhyw 'fashion faux pa’s’ yn dy amser, mae’n rhaid dy fod di?

Elin: Do, ma’n siwr bo’ fi wedi. Ma’n siwr mai’r un mwyaf cofiadwy, siwr dylwn i ddim deud hyn, oedd jîns tywyll ag o’n i 'di rhoi 'bleach’ arnyn nhw ac wedyn o’n i’n gwisgo teits 'fishnet’ pinc odanynt. Odd genai lun ohonai yn y wisg, ond nes i ei rwygo fyny a’i roi yn y bin! Dwi’n meddwl os fase Kim yn gweld y llun yna, mi fase hi’n rhoi’r sac i mi!

Nia: Ydi hynny’n rhan o’r therapi felly – rhwygo’r llun fyny?!

Elin: Ydi!

Elin: Nes i benderfynu prynu’r sgert yma yn Efrog Newydd pan o’n i’n coleg, a nes i ei gwisgo i fynd fyny’r Empire State Building, syniad da ar y pryd o’n i n meddwl achos o’n i’n edrych yn cwl ac yn gret ar y pryd ond dyma fo’n chwythu reit i fyny a’r unig ffordd o’n i’n gallu dod allan o’r picil oedd symud yn ôl at y wal a dal y sgert i lawr!

Elin: Dwi wrth fy modd efo’r holl liwiau yma, ma’ nhw’n plethu fel tonnau i gyd.

Elin: Mae’r eitem biws yma tua 30 oed achos hwn nath mam wisgo ar noson ei phriodas a wedyn dwi’n gwisgo fo rwan. Nes i wisgo fo hefyd i wneud ein cyfres deledu ni felly dwi’n meddwl dipyn ohoni.

Nia: Oes gen ti hoff ddilledyn neu wisg yn dy gwpwrdd dillad di?

Elin: Dwi’n meddwl am un peth dwi wir yn ei licio. Cofia bod rhan o’n swydd ni yn gofyn i ni wisgo rhywbeth gwahanol drwy’r amser. Ma’ gen i siaced lledr hir, gwyrdd efo ffwr drosto. Dwi’m 'di gwisgo hi ers dipyn ond mae’n mynd i fod yn ffasiynol gaea’ yma felly dwi’n meddwl nai ddechrau ail wisgo hi eto.