Sut ddechreuais ti wisgo dillad masnach deg?

'Nes i glywed am masnach deg tro cyntaf pan oeddwn i'n chwech oed, a dwi 'di siarad efo lot o bobl am ddillad masnach deg ers hynny. Dwi di sylweddoli pa mor bwysig ydy gwneud rhywbeth da i bobl sy'n methu gwneud rhywbeth da drostyn nhw eu hunain. A hefyd, mae lot o ddillad masnach deg yn defnyddio deunyddiau sy'n dda i'r amgylchedd. Dwi'n teimlo mod i'n gwneud pethau da i'r gymdeithas trwy brynu dillad masnach deg a dillad o siopau elusen.

Oes 'na lot o bwysau ar bobl ifanc ti'n meddwl, i edrych mewn rhyw ffordd arbennig?

Weithiau os da chi ddim yn gwisgo'r ffasiwn diweddaraf sydd yn ffenestri'r siopau neu yn y cylchgronau, da chi'n cael eich galw'n enwau gan y rhai sydd yn dilyn ffasiwn.

Ydy hynny wedi digwydd i chdi'n bersonol?

Do, unwaith neu ddwy yn yr ysgol. Plant yn galw fi'n 'goth' os dwi'n gwisgo rhywbeth du, neu 'hipi' os dwi'n gwisgo rhywbeth lliwgar.

Sut wyt ti, yng nghanol Bethesda, yn mynd ati i ffeindio dillad masnach deg?

Mae masnach deg wedi dod yn fwy poblogaidd dyddia' yma, a mae na siop newydd agor yn Bethesda. Fan'no ges i'r top yma. Ond dwi hefyd yn mynd i lot o safleoedd gwe. A dwi hefyd yn cael dillad o festivals gwahanol. Mae'r ffrog yma'n un wnaeth mam brynu i fi yn Glastonbury Festival.

Emily ar ffrogiau...

Mae'r ffrog yma, nes i brynu hi am tua £3 yn Oxfam, ac mae'r ffrog sidan yma wedi cael ei hailgylchu o ffrog oedd efo patrwm gwahanol. Da ni'n meddwl bo ni'n cymdeithas civilized, ond mae rhywbeth sy'n dal yn fundamentally anghywir am gymdeithas. Does 'na ddim equality, a dwi'n meddwl y dylen ni drio newid hyn.

Emily ar ffasiwn...

Ar ddiwedd y dydd mae pawb yn dilyn rhyw fath o ffasiwn. Dwi'n gyfforddus bo fi di dewis y ffasiwn yma.