Glyn: Falle mae'n anodd credu gan bod gymaint o ddrychau o gwmpas y ty 'ma, dwi braidd byth yn edrych ynddyn nhw. Dwi'n edrych mewn drychau mwy pan dwi mas na pan dwi yn y ty achos dwi'n gallu jyst edrych yn sydyn.

Nia: Crysau lliwgar, llachar a braidd yn lloerig sy' gen ti. Sut wyt ti'n mynd ati i ddewis dy grys?

Glyn: Mae'n anodd dewis! Ma' lot o'm siwtiau i'n dywyll felly dwi'n dueddol o fynd am grysau tywyll hefyd.

Nia: Yr un math o steil ydi bob un o dy hetiau di yn de?

Glyn: Ma' eitha lot ohonyn nhw yn debyg, ydyn. Peth yw gan bo'r siap yn fy siwtio, mae'n haws cael y siap hwnnw mewn gwahanol liwiau wedyn.

Nia: Sut fath o ymateb wyt ti'n gael pan ti'n gwisgo'r het sy'n dweud 'Whip me, beat me, bite me'.

Glyn: Ma' pobl yn sefyll yn agos i drio'i ddarllen ac yna'n dechrau camu nol yn araf!

Glyn: Trwy beth ma' rhywun yn ei wisgo, heb roi unrhyw fath o eiriau fel enwau band ar grys t, chi'n gallu edrych ar rywun a gwybod mwy neu lai yn syth pa fath o gerddoriaeth maent yn ei licio, eu hoed nhw i raddau hefyd. Short cut yw i wybod os ydych chi'n mynd i fwynhau cwmni rhywun. Hysbysebu yw dillad am dy gymeriad a dyna beth ma' pawb yn ei wneud hyd yn oed os ydyn nhw'n gwybod hynny ai peidio. Hyd yn oed gwisgo dillad ma' pobl yn ei feddwl sy'n dawel, cadw'i hunain yn y cefndir, dy'n nhw ddim, ma' nhw'n gweiddi ar yr un lefel fel unrhyw un arall ond ma' nhw'n gweiddi a'n dweud nad ydyn nhw eisiau bod yn amlwg drwy'r adeg ac ar flaen pob peth.

Nia: Ti'n cofio yn dy arddegau, nes di arbrofi lot gyda gwahanol steiliau?

Glyn: O do! Nifer o weithiau o'n i 'di dechrau ffwrdd gan benderfynu fy 'mod eisiau bod yn 'hippy' fel ma' lot o bobl yn eu harddegau. Ges i gyfnod pan o'n i'n gwisgo fel extra allan o 'silent' films gan wisgo siwtiau 'pinstripe' a spats er enghraifft. Pan o'n i'n mynd i glwbio gyda'n ffrindiau falle ar gyfer penblwydd rhywun yn ddeunaw, o'n i'n troi lan mewn tophat and tails a bow gwyn - dylset ti ddim gwisgo bow du mewn cwmni cymysg - du ar gyfer dynion yn unig a gwyn os oes menywod yna.

Nia: Dwi rioed wedi cyfarfod dyn sy' wedi bod yn forwyn briodas o'r blaen. Y cwestiwn mawr ydi be' wisgais di?

Glyn: Y tro cyntaf, o'n i'n gwisgo siwt yr un peth a'r dynion ac wedyn yr ail dro o'n i'n gwisgo 'dinner jacket' gwyn gyda crys du a dim tei. Odd morwynion priodas arferol yna ond fi oedd y prif forwyn briodas yno!

Nia: Ges di siwt pan o't ti'n ddeunaw oed ar dy benblwydd do?

Glyn: Do, y charlston. Ges i'r wisg yn gyfan y siwt, tei, y sgidie sbats, cufflinks a chrys hen ffasiwn heb y coleri felly odd rhaid i mi gael y coleri hefyd. A ges i bethe fel cot fawr i fynd dros y siwt a sgarff i gyd-fynd hefyd. Cafodd y siwt ei wneud yn 1929 yn arbennig ar gyfer rhywun. Ma'r ffordd mae wedi cael ei wneud yn wych ac mae fel arwisg i wisgo, mae'n drwm ac mae'n cadw popeth lle dyle fe fod, a ti'n teimlo'n dalach ynddo.

Nia: Oes gen ti un athroniaeth sy'n ymwneud â dillad, rhywbeth ti wastad yn ei gadw yn dy feddwl, wyt ti'n meddwl am un rheol rhaid i ti gadw ati er enghraifft?

Glyn: Os. Un peth sy'n fy mhoeni i ydi bod pobl yn gwisgo rhywbeth jyst achos ei fod yn ffasiynol ond dyw e ddim yn eu gweddu o gwbl. Dwi'n meddwl ei bod hi'n lot gwell i wybod beth sy'n dy siwtio ac i fod yn 'ruthless' ac i allu edrych ar dy hun a meddwl efallai ei fod yn eitem gret ac efallai ei fod yn ffasiynol ond nid arna i. Ti'n gweld shwt gymaint o bobl yn gwisgo rhai dillad a ti jyst ishe rhwygo'r dillad oddi arnynt a dweud wrthynt na, ti'm yn gallu gwisgo hwnna, ti'n edrych yn 'awful'!

Nia: Ti yn meddwl bo' ti'n ryw fath o 'superhero' allan o ryw gomic yn rheina dwyt?!

Glyn: Wel, yr unig beth am Superman odd dy fod ti'n gwybod ei fod yn gwisgo pants!

Nia: Wyt ti'n mynd i adael i mi gael 'peep' neu fase hi'n well i mi beidio?!

Glyn: Wel, na. Yn y gwynt yma fydd hi'm yn hir cyn i bawb allu gweld be' sy'n digwydd lan fana eniwe!

Glyn: Dros gyfnod, o'n i'n dechre diflasu mwy a mwy ar wisgo trowsus bob dydd a gwisgo jins, a ti jyst yn meddwl gyd yw jins yw trowsus 'di cael ei wneud mas o rywbeth arall. Felly, o'n i jyst 'di cael llond bol a'r unig beth alli di wneud fel dyn ym Mhrydain ydi gwisgo 'kilts' yn lle felly o'n i'n meddwl 'na fe ma' nhw ar gael a dy'n nhw ddim mor anarferol a hynny o'n i'n medwl ar y pryd felly penderfynu eu gwisgo.

Nia: Ond rhai lledr?!

Glyn: Wel ok, ma' rhai lledr ychydig bach yn anarferol falle, nai gyfadde hynny. O'n i wir yn gyfforddus ynddyn ers y dydd cyntaf wisges i un felly nes i gario mlaen i'w gwisgo ac erbyn hyn dwi'n eu gwisgo rhan helaeth o'r amser.

Nia: Sut ti'n penderfynu pa fath o sgidiau i wisgo gyda dy 'kilt' felly?

Glyn: Ma' hynny'n gallu bod yn benderfyniad eitha' anodd achos sdim pwynt gwisgo 'trainers' neu rywbeth felly achos ma' nhw jyst yn edrych yn od, ma' angen rhywbeth mwy 'na hynny. Mae'r esgidiau yma'n eitha mawr a ma' nhw'n drwm a'n 'clumpy' ac achos bod y sanau'n eitha trwchus, does dim pwynt gwisgo sgidie llai na rhain mewn gwirionedd.

Glyn: Dwi'n gobeithio 'mod i'n adnabod fy hun yn eitha da a dwi'n meddwl bo' hynny'n rywbeth pwysig i unrhyw un allu cael hunan hyder a dwi'n meddwl 'mod i'n eitha hyderus. Dwi'n meddwl bo' 'da fi steil personol mwy na golwg ffasiynol. Dwi'n fwy 'consistent' na ffasiwn.