Gwilym ar dyfu i fyny...

Roeddwn i'n byw mewn pentref bach o'r enw Bwlchllan, ac roeddwn i'n arfer bod wrth fy modd efo carnifal y pentre' a sioe y pentre', ti'm bod, cystadlaethau 'best dressed' a phetha' fel 'na. Felly ofynnais i gymdoges i mi a fydde hi'n mynd efo fi fel pâr yn dyfe, ac aethon ni fel 'a couple at ascot', a gwisgodd hi'r siwt a finnau'r ffrog. Dwi'n meddwl mai'r sylw oeddwn i'n joio mwy na dim...

Oedd na adegau, yn enwedig pryd oeddet ti'n tyfu fyny, pan oedd agweddau pobl yn fwy cul?

O oedd drwy'r amser roedd pobl yn gweiddi stwff ac yn galw fi'n enwau, ond mwya'n byd oedd pobl yn gweiddi y gwaetha'n byd fyddwn i'n mynd, yn hyd yn oed mwy 'outrageous'. Yn y diwedd, roedden nhw'n gadael i mi fod. Oedd ffrind da fi, oedd pawb yn meddwl ein bod ni'n bartneriaid ond doedden ni ddim, roedden ni'n rhannu t_ ac roedd e'n hoffi gwisgo lan 'fyd. Roedden ni'n mynd lawr i Gaerdydd neu Abertawe neu rhywle neu Fanceinion, ta beth roedden ni'n gwisgo lan ac yn mynd allan i'r clybie, roedd e'n gwd sbort, gawson ni lot o sbri.

Gwilym ti'n dal iawn yn dwyt, sut wyt ti'n ffeindio ffrogiau sy'n ddigon mawr i ti? Wyt ti'n gorfod archebu nhw o rhywle arbennig?

Fi'n ffeindio nhw paid becso! Wel, mae na fenyw wy'n nabod yn dre, roedd hi'n mynd ar y cruises na t'bod? Wel, unwaith neu ddwy oedd hi'n gwisgo nhw, ond gorfod i mi roi hwn ar y gwaelod er mwyn achos doedd o ddim cweit digon hir i mi.

Gwilym ar bobl eraill...

Mae lot o bobl yn becso lot fawr be mae mam and dad yn mynd i ddweud, be mae Mrs Jones drws nesa'n mynd i ddweud, a sdim isie chi, t'bod, os ti'n hapus tu mewn, sdim ots be mae pobl eraill yn 'weud, dy fywyd di yw e ddim bywyd dy deulu na Mrs Jones drws nese, so gwnewch be chi moyn, ac os nad ydach chi ddim yn gwneud dolur i bobl erill wedyn cariwch mla'n, 'na beth ydw i'n dweud. Dwi wedi cael pobl yn fy nyrnu i a ddim yn dallt bod yn hoyw a gwisgo dillad fel hyn ond mwya'n byd oedd pobl yn gwneud 'na yna gwaetha'n byd oeddwn i'n mynd a 'wy'n credu erbyn hyn mod i wedi dod trwyddo fo - felly boed i chi fyw eich bywyd, dim ond un siawns chi'n gal.