Dwi ddim yn hoffi bod yn rhan o'r crowd drwy'r amser, dwi'n hoffi gwneud pobl i feddwl. Os ydy pobl yn methu delio gyda phobl yn edrych yn wahanol, yna eu problem nhw ydy hynny. Dwi'n hoffi actio, felly dwi wastad yn trio darganfod pethau sy'n creu cymeriad cwbl wahanol i mi fy hun. Mae gen i ddau arwr o ran ffasiwn, dyma'r unig bobl y baswn ni'n meddwl eu dilyn. Jonny Depp, mae'r dyn yn ffantastig. Da ni wedi ei weld o'n tyfu ac yn mynd o'r wythdegau hyd heddiw gan weld sut mae ei ffasiwn wedi datblygu. Ar llall yw James Masters o Buffy the Vampire Slayer sy'n chware y rhan Spike, mae yna rywbeth amdano, ryw hyder anhygoel sy'n ei gario fo.

Rwyt ti'n cadw dy ddillad mewn tomen flêr iawn!

Dwi'n gwybod lle mae'r rhan fwyaf o bethau oherwydd does dim ond rhaid i mi feddwl be 'dwi am wisgo ac yna pryd oedd y tro diwethaf i mi ei wisgo. Os dwi wedi ei wisgo'n weddol ddiweddar yna fe fydd e rywle ar ben y domen. Os nes i'w wisgo oesoedd yn ôl yna mae'n siŵr o fod reit ar waelod y domen ac y bydd yn rhaid i mi dyrchu i gyrraedd ato.

Beth yw hanes y crys llawn ffriliau yma?

Brynais i hwn ar e-bay. Fe benderfynais i, ar gyfer cyngerdd mawreddog Gwyr mod i ddim eisiau gwisgo hen grys cyffredin, doeddwn i ddim yn gallu dod o hyd i grys cyffredin yn un peth. Mae'n eitha' tebyg i rywbeth vampire. Wnâi byth ddilyn ffasiwn oherwydd faswn ni ddim yn hoffi mynd allan ryw ddydd a gweld pawb arall yn gwisgo yn union yr un peth a fi. Be dwi ddim yn ei hoffi ydy rhywbeth dwi'n ei alw'n enforced conformity lle mae pobl yn trio bod yn wahanol, ond yn trio mor galed nes eu bod nhw yn diweddu'n union run peth a phawb arall.

Mae gen ti gasgliad helaeth o hetiau. Beth ydy hanes y 'top hat' yma?

Nes i ffendio hwn mewn cae. Ar yn ffordd i'r ysgol nes i golli'r bws a phenderfynu cerdded, ac mewn cae ar y ffordd nes i ffendio 'top hat'. Pam yn y byd y bydda rywun yn gadael o yna? Felly fe es i a hi i'r ysgol a'i golchi hi a dyma ni! Un het sydd i fywyd ond cannoedd i ben. Dau beth dwi'n wneud, gweithio a byw. Dydw I ddim yn tynnu llinell rhwng y ddau.