Be oedd dillad yn ei olygu i chi pan oeddech chi'n tyfu i fyny?

O'dd mam yn gwneud fy nillad i i gyd ac yn gwneud ei dillad ei hunan, ond ro'dd hi'n gonfensiynol iawn ag o'dd hi'n gobeithio y bydden ni'n tyfu lan yn gonfensiynol - ond wnes i ddim... O'n i'n lico pethe gwahanol, a tasen ni'n bod yn onest o'n i'n lico tynnu sylw ata i'n hunan.

Ar ei hedrychiad...

Falle welech chi fi'n Tesco rhyw ddiwrnod yn edrych fel shibwnen fel y'n ni'n gweud yn Abertawe, yn edrych yn rial mess, achos dwi ddim wedi trafferthu, a wedyn dro arall fydde i'n codi'n y bore ac yn meddwl, 'Reit, it's bordering on the glamour today' ac yn gwneud ymdrech i edrych tipyn bach yn fwy teidi chi'n gwybod.

Oes yna ddegawd lle da chi'n meddwl 'steil y cyfnod hwnnw o'n i'n wirioneddol yn ei licio'?

Wy'm dwlu ar ddillad y 40au a'r 20au hefyd. Hefyd steil Edwardian, ma' steil arbennig i'r rheiny, very elegant. Oedden nhw'n credu'n yr ensemble. O'dd y wisg ac wedyn o'dd yr holl accessories, y menyg, y bagie a'r sgidie i gyd yn mynd. O'dd e'n fwy cyflawn na'r ffordd y'n ni'n gwisgo heddi fi'n meddwl.

Hannah ar y gôt ddyffl...

O'dd un 'da fi drwy'r coleg, ond wnes i ddim gwisgo un o'dd ar 'ny. A wedyn rhyw ddwy flynedd yn ôl roeddwn i ym Mharis a dyna lle'r oedd hon, ag o'dd raid prynu hi'n doedd.