Nia: Ma’n amlwg ein bod ni mewn cartref rhywun sydd wrth eu bodd efo’r 60au. Be’ 'di apêl y 60au i chdi Leah?

Leah: Wel, dwi’n meddwl nath o ddechrau gyda’r dillad i gychwyn ac wrth neud celf yn yr ysgol, nes i ddechrau dod yn fwy ymwybodol o’r dodrefn a’r gwaith celf o’r 60au. Jyst yr holl steil, teimlad y cyfnod, dwi’n licio teimlad a naws y ddegawd.

Nia: Nes di ffeindio cist yn llawn dillad gwreiddiol dy fam o’r 60au. Ma’n siwr bo’ hynny’n deimlad neis oedd?

Leah: Oedd, odd o’n lyfli, ma’ ganddi rai pethau lyfli ac ma’ 'na hanes tu ôl pob un ohonynt felly roedden nhw’n rhan o fywyd Mam ond rwan yn rhan o’m mywyd i ac yn rhan o fy nghasgliad i.

Leah: Ma’r rhain i gyd o’r gist, ma’r casgliad yma yn rai nath Mam wneud ei hun yn ystod y 60au oherwydd doedd ganddi ddim lot o arian bryd hynny felly’r unig ffordd oedd hi’n gallu cael dillad newydd oedd drwy eu gwneud nhw ei hunan.

Nia: Y ffrogiau mini yn amlwg, dyna dan ni gyd yn meddwl amdano pan dan ni’n meddwl am y 60au ac ma’r wast mor fychan tydi.

Leah: Dwi’m yn siwr lle odd hi’n gwisgo hon ond odd hi’n siwt odd hi’n ei wisgo efo’r bag yma hefyd fatha siwt felly. Odd y dillad eraill yn rai bob dydd ond odd hon yn fwy smart.

Nia: Wyt ti’n gwisgo hen ddillad dy fam felly?

Leah: Nac ydw, chydig bach yn rhy fach i mi ma’n rhaid i mi ddeud!

Leah: Hon yn eitha girly.

Leah: Dyma ddillad nath Mam eu prynu yn ystod y cyfnod.

Leah: Nath hi wisgo’r siwt yma mewn ryw briodas flynyddoedd yn ôl ac ma’ genai lun ohoni yn gafael llaw fy chwaer ac mae ganddi’r camera yna ar ben ei hysgwydd hi yn y llun.

Leah: Poncho sy’ wedi bod yn ffasiynol yn ddiweddar. Nath hi brynu hon yn siop Anna Davies ym Metws y Coed ac ma’ genai lun o Mam ynddi gyda fi yn ei breichiau hi felly ma’ hi’n eitha sentimental. Dwi 'di bod yn gwisgo hi pan ma’ hi’n oer.

Leah: Ma’ hon yn wreiddiol o M&S flynyddoedd yn ôl. Odd ganddi sgidiau tartan a bag i ffitio ond bechod tydi hi ddim yn fy ffitio i.

Nia: Oeddet ti yn gwisgo’n wahanol yn yr ysgol, odd dy ffrindiau yn pasio sylwadau o gwbl?

Leah: Odd pawb yn ymwybodol 'mod i’n mynd i wisgo rhywbeth gwahanol neu oddan nhw’n pasio sylwadau ar fy ngwallt i falle. Ma’ hynny 'di bod ers oeddwn i’n iau. Dwi 'di gwario lot o’m amser yn mynd o gwmpas siopau elusennol yn pigo dillad sydd yn wahanol. Ma’ rhan ohona i jyst wrth fy modd efo’r holl ddillad.

Leah: Dyma’r bagiau oedd gen Mam.

Leah: Bag colur Mam oedd hwn a ti'm yn cael pethau fel hyn ddim mwy. Ma'n eitha unigryw.

Leah: Rhain ydi'r bagiau nes i bigo fyny mewn siopau elusennol.

Nia: Oes yna lot o ddillad yma faset ti'n eu gwisgo rwan?

Leah: Oes. Ma'nhw wedi eu dylanwadu gan y 60au. Nes i brynu hwn mewn siop fechan yn Nimbych. Ma'patrwm y target yn nodweddiadol o gyfnod y 60au, ti'n ei weld o ddipyn mewn gwaith celf Andy Warhol a ballu.

Nia: Ma'celf yn reit bwysig i ti tydi? Dwi 'di sylwi o gwmpas y ty, lot o luniau o'r 60au.

Leah: Oes, ymhobman yma!

Leah: Siwmper nes i brynu mewn siop ail law, o'n i jyst yn licio'r lliw.

Leah: A dyma rywbeth i fynd gyda'r siwmper yma. Tra o'n i'n coleg, o'n i ar 'crawl hyll'ac mi oedd yna hogan yn gwisgo hwn ac mi nes i ddeud bo'rhaid i mi ei gael oherwydd doeddwn i ddim yn meddwl ei fod yn hyll o gwbl. Felly nes i ei fachu a ma'genai'r set rwan.

Nia: Ti'n gweld dy hun yn ychwanegu at y casgliad o gwbl?

Leah: Faswn i'n meddwl, nai barhau i fynd i siopau elusennol ac os ydi rhywbeth yn dal fy llygad, dwi'n siwr o'i brynu.

Nia: Ti'n gweld dy hun pan wyt ti'n 60/70 yn gwisgo dy ddillad, pethau llachar a pvc?!

Leah: Falle fydda i 'di tonio fo lawr dipyn bach ond faswn i'n licio meddwl y baswn i'n parhau i wisgo pethau dipyn bach yn wahanol, so gobeithio wir.