Lisa ar Llundain…

’Dwi wastad wedi licio gwisgo fyny. Oedd nain fi, mam dad, yn rili glamorous mewn rhyw ffordd ‘Cruella de Ville’ gyda sigaret holders ac oeddwn i wastad yn meddwl ‘dwi isho bod fel ’na’. Nes i symud i Llundain ac ar y dechrau roedd gen i rhyw fath o ‘Dick Whittington Syndrome’, y palmentydd i gyd yn aur. Roedd fy job cyntaf i yn Cosmo, ac oeddwn i’n edrych i fyny i’r merched glamorous ’ma ac yr wythnos wedyn roeddwn i yn y banc yn cael loan i brynu siwt Joseph. Rwan pryd ti’n ennill £9,000 y flwyddyn mae hynny braidd yn stiwpid!

Lisa ar ei eitem ddrutaf ei chwpwrdd…

Mae’r gôt yma’n amazing, yn stunning, ond na’i byth wisgo fo achos fyddai gen i ofn i rywbeth ddigwydd iddo fo. Roeddwn i mewn shoot gyda’r cylchgrawn dwi’n gweithio arno fo ar hyn o bryd ac roedd o fel ‘love at first sight’ math o beth. Gaethon ni rhyw fath o foment, fi a’r gôt ’ma, a roedd o fel mod i mewn trance a mae o braidd yn weird. Dwi’m yn gwybod os wyt ti rioed wedi cael y profiad ’na lle ti mewn siop ac yn mynd yn boeth wedyn yn oer ac yn gorfod cael o? Na? O wel…

Wyt ti’n mynd i ddatgelu faint wnes di wario arni ta sgen ti ormod o gywilydd?

Mae gen i gywilydd oes, ond rho fo fel hyn, o’dd hi’n fwy na £700.

Lisa ar y pwysau sydd ar ferched…

Mae ’na bwysau ar ferched i edrych rhyw ffordd ac mae ’na ormod o bwysa’ yn enwedig pryd da chi’n ifanc, ti’n edrych i fyny i’r cylchgronnau ’ma a ti isio efelychu nhw a dwi ’di yn teimlo’r un fath, dwi di teimlo fel mod i ddim digon da mond bo fi di gwisgo be mae Elle neu Glamour yn dweud y dyliwn i wisgo. Dwi’n meddwl fod o wedi cymryd rhyw 5 neu 6 mlynedd i mi sylweddoli nad ydw i byth yn mynd i fedru siopa yn Hermes neu Gucci a mae Top Shop digon da!

Lisa ar ddillad…

Dylai dillad wneud i chdi deimlo’n amazing ac yn ferchetaidd neu’n rhywiol neu’n beth bynnag ti isio deimlo, ddim teimlo’n annigonol. Dwi wedi trio rhai pethau gan ddylunwyr a maen nhw wedi gwneud i mi deimlo fel bod siap fy nghorff i’n rong, a tydi o ddim yn rong diolch yn fawr!

Lisa ar y sêr…

Dwi’n ffan mawr o Paris Hilton – dwi’n meddwl bod hi’n amazing ac es i lawns perfume hi a probably claim to fame mwya fi ydi bod Paris Hilton wedi dweud ‘God I so want that dress’!

Lisa ar ei hoff ddillad…

Mae gen i un neu ddau o bethau mae fel bod ’na rhyw hud amdanyn nhw, mae dynion i weld yn disgyn wrth fy nhraed i pryd dwi’n gwisgo nhw, maen nhw’n taflu pres a Bollinger ata i – amazing!