Nia: Beth fyddet ti'n ddweud ydi'r dylanwadau mwyaf wedi bod o ran y math o gerddoriaeth wt ti'n ei licio a hefyd dy steil di?

Lleuwen: Faswn i'n deud bod y ddau beth yn dod efo'i gilydd achos tan yn eitha diweddar dwi di bod yn gwisgo y math o ddillad faset ti'n ddisgwyl i rywun sy'n canu jazz i wisgo. Ma' hynny'n dod, dwi'n meddwl, o'r ffaith pan oeddwn i'n hogan fach mi oedd gen Dad gasgliad o recordiau eang a ges i nenu at y rhai efo lluniau o ferched du mewn ffrogiau tlws achos o'n i'n meddwl “waw, dyna ydi bod yn ddynes”.

Nia: Dwi'n gweld bod gen ti lot o ffrogiau perfformio yn dy gwpwrdd dillad?

Lleuwen: Oes. Hon ydi fy ffefryn i ond dwi heb ei gwisgo eto. Ma hi'n ffrog o'r 30au, fy anti oedd biau hi ac ma' hi'n un gwreiddiol. Mae hi 'di bod yn y cwpwrdd yn nhy Nain ers tro ac mi ddudodd wrtha i un diwrnod “You should wear this to sing Wen”. Fydda i ddim yn gallu'i gwisgo hi i wneud gig yng nghlwb rygbi Pesda, ma' hynny'n reit saff i chdi!

Nia: Ma' gwisgo fel merch, yn ferchetaidd, yn bwysig i ti tydi?

Lleuwen: Dwi wrth fy modd. Dyna ydw i a dyna dwi'n licio'i gynrychioli ac er mod i'n gwybod ei fod o gyd yn lol go iawn, dillad a phethau felna, tydi o ddim yn golygu dim byd go iawn ond mae o'n rhan o fwynhau bywyd fel pethau eraill ti'n fwynhau.

Lleuwen: Ma' hon yn rywbeth dwi jyst yn wisgo i gigs ac ma' hi'n gweithio bob tro. A dyna dwi'n licio, sdim rhaid i mi boeni am be dwi'n wisgo ac mi alla i ganolbwyntio ar y canu.

Lleuwen: Dwi'n licio'r hiwmor mewn dillad hefyd. Sdim rhaid i bethau fod o ddifri. Dwi'n licio clustdlysau a phethau dros y top. Fedri di gymryd o o ddifri neu gweld ei fod yn ddigri a'i fod yn eironig a hwyl ydi o wedyn de.

Nia: Pa fath o edrychiad sgen bobl sy'n canu jazz yn draddodiadol?

Lleuwen: Wel yn draddodiadol, mae o gyd i neud efo ffrogiau'n bennaf, 'glamarous' iawn, kitsch iawn yn aml. Weithiau dwi'n meddwl y rheswm fod pobl isho priodi ydi bod y ferch isho gwisgo ffrog felna ac os wyt ti'n canu jazz mi wyt ti'n gallu'i gael allan o dy system achos ti'n cael gwisgo ffrog fel yna ym mhob gig ti'n ganu!

Nia: Ydi dy hyder di wedi tyfu dros y blynyddoedd felly o ran be wyt ti'n ei wisgo?

Lleuwen: Yn sicr. Diom ots genai be ma' pobl eraill yn feddwl o be dwi'n ei wisgo mae'n rhaid i mi ddeud. Os ydw i'n teimlo'n dda mewn rhywbeth, wel ma' hi'n mynd i fod yn ddiwrnod da wedyn achos mae o gyd yn dod drosodd yn y ffordd wyt ti wedyn.

Nia: Ti'n gwisgo i blesio dy gynulleidfa neu i blesio ti dy hun neu gyfuniad o'r ddau?

Lleuwen: Dwi'n meddwl lot mwy am blesio fy hun na'r gynulleidfa sy' ddim yn deg iawn. Dwi'n mynd i stopio neud hynny gymaint achos dydi o ddim yn deg iawn oherwydd os ydi Duw, neu bwy bynnag, yn rhoi'r gallu i ti ganu, dylet ti ddefnyddio hynny mewn ffordd mwy caredig a rhannu gyda phobl yn fwy na jyst neud o i blesio ti dy hun neu man a man i ti ganu yn y ty i ti dy hun!

Nia: Fedri di grisialu i mi be ma' miwsig yn ei olygu i chdi?

Lleuwen: Bywyd, rhyddid

Nia: A be ma' dillad yn ei olygu i chdi?

Lleuwen: Rhyddid yn yr un ffordd. Ond dim bywyd achos er bo' fi'n licio dillad, ma'n hawdd i chdi fynd dros y top yn meddwl am y ffordd ti'n edrych ond tydi hynny ddim yn bwysig. Fel ma' Nain yn deud wrtha i mi alli di roi cot o baent ar sied ma' hynna'n iawn ond ti'n gwybod fedri di ddim gor-wneud hynny achos tydi hynny ddim yn real wedyn, be' 'di pwrpas neud hynny oherwydd mae o jyst yn wast amser. Dwi'm yn gwbod sut ma' rhywun yn stopio chwarae gwisgo fyny achos dyna be ydi o yn diwedd de, jyst gêm ydi o gyd, chwarae ty, chwarae gwisg ffansi.

Nia: A ti'n meddwl y byddi di'n gwneud hynny pan fyddi di'n 60, 70?

Lleuwen: Gobeithio de, gobeithio!

Lleuwen ar ddillad...
Jyst chwara 'di dillad de. Ffor wt ti isho pobl feddwl wt ti, dim ffor wt ti go iawn naci, ffor wt ti'n penderfynu dangos dy hun i'r byd sydd yn gret.