Luned Toderai ar ei steil hi...

Mae'n reit anodd i mi ddisgrifio'n steil i, mae o wedi newid lot dros y blynyddoedd yn dibynnu ar wahanol gyfnodau yn fy mywyd i. Ond, faswn ni yn dweud yn ddiweddar mod i wedi sylweddoli mod i ddim yn ferch fach ddim mwy a mod i yn ddynes nawr. A dwi'n meddwl mod i yn gwisgo'n fwy soffistigedig 'na beth o ni, ond ma' hynny yn eithaf cyffrous achos mae o wedi agor y drws nawr i fath gwahanol o ddillad y byddwn ni byth wedi meddwl i wisgo o'r blaen.

Ti'n son am dy steil di fel dynes, pa fath o ddillad yn benodol?

Dwi'n gwisgo lot o ffrogiau nawr, byse ni byth wedi gwneud hynny o'r blaen. Dwi'n meddwl mod i bendant yn gwisgo yn fwy feminine wrth i mi fynd yn hyn. A dwi byth 'di meddwl mod i yn ferch girlie na feminine iawn, o ni o hyd yn meddwl mod i ychydig bach o tom-boy, ond ma' hynny wedi newid yn gyfan gwbl.

Luned ar ddillad...

Dwi wastad wedi dwli ar ddillad ac mae'n rhyfedd achos does neb yn ein teulu ni â llawer o ddiddordeb mewn dillad, yn enwedig mam a dad. Ges i'n magu mewn ffordd lle doedd mam a dad ddim yn rhoi unrhyw bwysa' ar ddillad, doedden nhw ddim yn eu gweld nhw fel pethe pwysig, tydy nhw ddim yn bobl faterol iawn. Ond eto, wedi deud hynna - o ni yn dwli ar sgidie, wrth siopa gyda mam o ni wastad eisiau mynd mewn i'r siopa a gweld, cyffwrdda theimlo pethe.

Yn y cwpwrdd...

Ma' gen i gymysgwch o bethau. Pethe newydd a lot o bethe vintage, pethe dwi'n casglu dros y blynyddoedd. Pan o ni yn fyfyrwraig yn Llundain o ni'n prynu lot o farchnadoedd a phethe fel'na. A phan dwi'n mynd i deithio dwi'n hoffi prynnu hen bethau. Mae gen i un ffrog nath gychwyn fi off gyda'r holl ffrogiau. Roedd hi'n ffrog eithaf drud ar y pryd i ddeud y gwir, ac o ni tua deunaw a dyma'r ffrog gynta' dwi'n gallu cofio prynnu achos cyn hynna do ni ddim rili yn gwisgo ffrogia' na sgert, wastad trowsus. Dwi dal yn gwisgo hi nawr hefyd.

Ydy'r plant wrth eu boddau hefo dillad?

Dyma'r broblem, ma' nhw yn dwli, wel, ma' Lily yn enwedig. Ma' hi'n ferch i'w mam, yn dwli ar ddillad ac mae ganddi farn bendant. Ma' hi'n gwybod yn union beth ma' hi'n licio, mae'n gwybod be ma' hi ishe, a byse Lily yn dwli pe bawn i yn edrych fel ryw 'yummy-mummy' pob dydd. Bydde hi isho i mi wisgo ffrog a high-heels a chael y ngwallt i lawr a pheidio gwisgo sbectol pob dydd. Pan oedd hi'n llai oedd hi'n gofyn i mi os oeddwn i yn troi fyny i'r ysgol mewn jîns a crys-t, 'O, mam! Och, dylet ti fod wedi gwisgo ffrog a high-heels ' Dyna fydda hi'n hoffi, tawn ni'n troi fyny at giatiau'r ysgol yn mynd "Helew".

Math o ddillad mae'n eu gwisgo.

Dwi'n hoffi dillad sydd yn eithaf traddodiadol ond gyda thwist bach iddo fe, bach o quirk a manylder. Pethe fel Paul Smith, Mathew Williamson, Vivienne Westwood Dwi'n meddwl y byddwn ni'n eithaf licio gallu tretio'n hunan tamed bach mwy bob nawr ac yn y man. Dwi'n meddwl mod i'n siŵr o fynd i wisgo yn fwy soffistigedig eto fel dwi'n mynd yn fwy o ddynes!