Mark: Pan o'n i'n byw adre roedd Dad yn arbennig o dda gyda fi wrth adael i mi ddod adre mewn trowsus porffor o siop o'r enw 'Paradise Garage' yng Nghaerdydd. Doedd e ddim yn deall fy nhast ond roedd yn derbyn dwi'n meddwl.

Nia: Pryd ddechreuodd y berthynas yma gyda dillad i ti?

Mark: Nes i ddechrau gwneud dillad o ganlyniad i brynu crys oedd yn bedwar deg punt oedd yn lot o arian ychydig o flynyddoedd yn ôl. Nath y crys gwympo'n ddarnau a felly doeddwn i ddim yn hapus o gwbl felly nes i feddwl allai wneud yn well na hynny a ddechreuais i arbrofi. O'n i'n ffodus iawn pan o'n i'n byw yn Brighton oherwydd roeddwn yn byw gyda chriw o bobl oedd unai yn y Coleg Ffasiwn neu Drama yno a rhyngddynt nathon nhw ddangos i mi sut i brintio sgrîn. Roedden nhw'n gallu dangos i mi sut oedd gwneud yn hytrach na gorfod mynd i'r coleg fy hun i ddysgu. Roeddwn i'n gwneud cwrs daearyddiaeth oedd dim i wneud â dillad!

Nia: Wyt ti'n cofio'r dilledyn cyntaf nes di efo llaw?

Mark: Dilledyn nad oedd yn wisgadwy! Dwi wedi gwneud lot o bethe sydd ddim yn wisgadwy a'n anaddas ar gyfer pobl gyffredin. Roedddwn yn meddwl os oedd e'n eich ffitio'n iawn, doedd e ddim yn ddilledyn diddorol. Dwi'n credu mai crys oedd yr eitem gyntaf.

Nia: Nes di gychwyn crysau AFIACH yn 1986 gan werthu ar faes yr Eisteddfod?

Mark: Arferwn logi lle ar faes yr Eisteddfod er mwyn printio'r crysau yn y fan a'r lle. Yn aml iawn, roedd y dyluniad yn caniatau tua pedwar o liwiau gwahanol a roedd y cwsmer yn gallu dewis y lliwiau oeddent eisiau. Roedd hyn yn caniatau iddynt gael rywbeth unigryw fel petae.

Nia: Beth oedd y dylanwad o ran patrymau? Roeddet ti'n amlwg yn mynd ar ôl siapiau a streipiau?

Mark: Dyna yw dylunio i mi. Mae pobl yn gofyn i mi weithiau beth ydw i'n ei wneud a dwi'n ateb siapiau a lliwiau.

Mark: Dwi'n hoffi pinc yn fawr. Ma' genai feic pinc ffantastic!

Nia: Nes di un cymal o Tour de France. Beth nes di wisgo?

Mark: Y top yma ond roedd yn llawer iawn mwy pinc nac ydyw nawr gan i mi ei olchi gyda lliw tywyll! Roeddwn wrth fy modd yno oherwydd roedd pobl yn gweiddi "Aller Rose" arnaf oedd yn ffantastig a dyna oedd uchafbwynt y diwrnod i mi!

Nia: Ti'n gwneud dy siwtiau dy hun hefyd?

Mark: Ydw a dwi wrth fy modd yn eu gwisgo nhw hefyd. Rhaid iddynt fod yn siwtiau tri darn. Fyddwn i byth yn gwneud dim ond dau ddarn, bydde hynny'n ddiog.

Mark: Dyma siwt nes i yn yr wythdegau pan o'n i'n printio y defnydd tu mewn i'r siwtiau. Mae'r trowsus yn nodweddiadol o'r wythdegau - steil jodphurs a mae'n debyg i MC Hammer o'r cyfnod!

Nia: Ydi dy ddillad di'n adlewyrchu dy gymeriad di?

Mark: Mae'n debyg eu bod nhw. Er, dwi ddim wir yn meddwl am hynny pan dwi'n creu - cyn belled a'u bod nhw'n fy nghadw i'n sych a thwym.

Nia: Felly mae dillad yn rywbeth ymarferol i ti yn hytrach na rhywbeth emosiynol?

Mark: Ydyn, ma' nhw'n rywbeth hollol ymarferol a mae'n siwr eu bod nhw'n emosiynol hefyd ond dwi ddim wir yn meddwl am yr ochr emosiynol gymaint.

Mark ar ddillad: Dwi'n meddwl mod i'n mynd i gael llond bol yn fuan ar weithio am bres a hoffwn fynd nôl i jyst gwneud dillad am hwyl a bodloni ar beidio a chael gymaint o bres.