Os yna wisg arbennig o'r llwyfan ydych chi'n ei gofio?

Ffrog oedd gen i yn 'Y Tŵr'. Ffrog goch oedd hi, a phan es i ar y llwyfan dyma'r gynulleidfa yn ochneidio. Ac wrth gwrs, mewn unrhyw berfformiad fedrwch chi ddim cogio bach bo chi ddim yn gwirioni hefo rhywbeth felly. Ac mi roedd o'n rhoi hwb i chi gario ymlaen hefo'r perfformiad. Mae hynny wedi aros yn y côf.

Pam eich bod chi'n gwisgo cymaint o ddu?

Mae o mor hawdd. Mae ngwallt i yn ddi-liw ac mae gen i groen weddol dywyll drwy'r flwyddyn, dwi'n gyffyrddus mewn du.

Oes yna steil rhywun ydych chi'n ei edmygu?

Judi Dench, achos dwi'n meddwl bod ei steil hi wedi esblygu. Dwi'n dilyn ei gwaith hi ers blynyddoedd, ond erbyn rwan dwi'n meddwl ei bod hi'n edrych yn wirioneddol hyfryd. Mae hi'n saithdeg eleni a ma' hynny'n andros o beth i allu dweud. Dwi'n meddwl ei bod hi yn edrych yn well r?an nag oedd hi'n hanner cant. Mae hi'n wirioneddol wych.

O le ddaeth y Pashmina?

Am fy mod i yn fyr a ddim y person teneuaf sy'n bod, dwi'n teimlo na fedrai wisgo côt. Tydi ddim wedi costio cymaint a chôt, ond mwy na sgarff.

Beth yw hanes y ffrog ddu yma?

Fe ges i hon yn anrheg gan yr actores, Beryl Williams. Mae Beryl yn dal a thenau iawn, iawn. Ond, mae yna lun ohona i mewn cylchgrawn 'Pais' yn 1980 yn gwisgo hon, a thydi hi ddim yn ddrwg o gwbl! I feddwl fod Beryl a finnau wedi gwisgo'r un ffrog, tydi'r ddwy ohona ni ddim yr un taldra na'r un maint! Fedrwn i ddim mynd mewn iddi rwan!

Ydach chi'n gwisgo lliw o gwbwl?

Na, ddim bellach. Dwi'n gobeithio y gallwn ni wisgo'r siwmper yma ryw bryd. Fe brynnais i hi ar fy ngwyliau, o bosib fod y du ddim mor amlwg gen i bryd hynny! Mae hi rwan ryw wyth, naw oed ond mae yna afal da ynddi, wedyn dwi yn ei chadw hi.

Beth yw hanes y siwmper streips?

Mae hon yn ofnadwy o hen. Mi brynnais i hon yn y 1970au ryw bryd. Roedd hi'n arfer bod yn ryw fath o siwmper hir, ond roedd hi heibio'n mhenglinniau i ac fe es i a hi i lawr at un o'r genod i'w thorri hi, a rwan, dwi'n ei defnyddio hi fel siwmper. Dwi'n teimlo'n braf yddi, wedyn mi fydd hon dal i fynd tra y bydda i dal i fynd!