Nia: Fasech chi’n dweud eich bod chi wastad wedi licio dillad?

Meriel: Odw, odd Mam yn lico dillad hefyd. Odd y ddwy ohonom yn arfer siopa gyda’n gilydd. Wedyn pan o’n i’n nyrso, odd dim lot o arian i brynu dillad ond o’n i’n lico mynd rownd y siopau ac o’n i’n gwybod beth o’n i moyn.

Nia: A beth am eich gwisg briodas chi?

Meriel: 1954 briodon ni mewn ffrog 'chiffon' wen a wedyn 'mother of pearl' rownd y gwddf, llawes fach ac wedyn odd hi’n dod mewn i’r canol reit dyn ac odd 'hoop' odani a’r hyd newydd tri chwarter.

"Ti’n edrych yn neis" medde’r gwr ond wy heb glywed dim ers hynny!

Nia: Wedyn athoch chi ffwrdd ar eich mis mel i deithio?

Meriel: Do, arhoson ni yn y 'Grand Atlantic’ un noson a wedyn athon ni mlaen i weld y 'Cheddar Caves’ a wedyn yn Barnstaple brynodd e drwsus brown i mi a doedd menywod ddim yn gwisgo nhw bryd hynny felly o’n i’n meddwl 'mod i’n bwysig!

Meriel: Odd popeth mwy ffurfiol flynyddoedd yn ôl na beth yw e nawr.

Nia: Dach chi’n meddwl? Dach chi 'di gweld newid?

Meriel: Bendant. Os fyddech chi'n mynd i barti neu ddans, byddech chi'n gorfod cael ffrog hir a byddech yn 'dolled up to the nines'.

Nia: Oeddech chi'n licio hynny?

Meriel: O'n. Pan o'ch chi'n mynd mas, o'ch chi'n teimlo eich bod chi'n mynd i rywle arbennig.

Nia: Ma’ gyda chi ddipyn o gotiau ffwr?

Meriel: Os, tair 'da fi. Yr un gynta brynes i yn 'full length', black mink. Dwi heb eu gwisgo ers blynyddoedd ond os ewch chi i Ewrop ma' nhw'n eu gwisgo nhw yno. Odd Mam yn gwisgo ffwr gyda phennau arnyn nhw! Odd hi'n gwisgo 'mink marmot' ac odd rhai yn meddwl ei fod yn ofnadwy so dynnes i'r pennau i ffwrdd a nes i sgarff mas ohonyn nhw!

Nia: Ma’ Meriel 'di prynu lot o’i dillad wrth deithio ar griwsys moethus.

Meriel: Ar y criws Antartica, brynes i’r ddau boncho yma yn Uraguay, ma’ nhw’n neis yn nos. Ma’ nhw’n feddal ofnadwy. Eu prynu mewn 'ranch' nes i.

Meriel: Athon ni ar Rhine a Danube cruise a thra odd Eric yn edrych ar 'gathedrals', es i rownd y siopau a brynes i’r 'twinset' yma. Dales i tua £40 am y ddau felly ddim yn ddrwg.

Nia: Felly chi ddim yn un am fynd rownd y 'sights’ pan chi’n mynd i ffwrdd felly?

Meriel: Wel, wy wedi gweld lot o 'gathedrals' yn fy amser a wy ddim ishe gweld rhagor! Wy’n lico wondran rownd a gweld pethach cyffredin a chyfarfod y pobl yn y siopau.

Meriel: Dipyn bach o 'glamour' yma i wisgo ar gyfer y partis coctel ar y 'Princess Cruises'. Odd dillad neis iawn gyda nhw fan yna. Ei phrynu hi ar y llong nes i.

Nia: Dwi 'rioed wedi bod ar griws. Sut fath o brofiad ydi o? Siwr ei fod yn neis ydi?

Meriel: O ydi, mae’n wahaniaeth i bob dim arall, mae’n 'glamorous iawn', chi’n gwisgo lan lot. 'Captain’s night' yw’r noson fwyaf, chi’n gwisgo lan yn y dillad gore ac mae’r capten yn disgwyl chi yn y 'ballroom' a wedyn 'champagne reception' a phan y’ch chi’n mynd fewn ma' pawb wedi gwisgo lan a phopeth yn disgleirio. Mae’n 'impressive’.

Nia: Fedrai weld yn syth bo’ hon o’r wythdegau.

Meriel: Odi, steil Princess Di yw hon! Ma’r llewys yn pwffan mas dipyn a’n dyn ar y wast.

Leah: Wy wedi gwisgo hon ddipyn ar griwsys. Odd hi’n arfer bod â llewys hir iawn ond nes i eu torri oherwydd ges i ddigon ar y llewys yn mynd i’r cawl odd ddim yn 'glamorous' iawn! Odd h’n ddramatig iawn. Ma’ hi’n 30 mlwydd oed.

Meriel: Yn Llundain brynes i hon ac mae hi’n rhwydd i’w gwisgo. Digon o secwins arni ar gyfer y criwsys ac mae ganddi wast elastig felly digon o le i 'expandio' ar ôl yr holl fwyd!

Nia yn gofyn i Eric, gwr Meriel: Mae’n braf cael bod yn fenyw a chael gwisgo ffrogiau fel hyn! Mae’ch gwraig chi wrth ei bodd gyda ffrogiau pert a dwi’n ofnadwy o hapus achos dwi’n cael eu trio ymlaen! Ydych chi’n hapus?

Eric, gwr Meriel : Ydw, ddigon hapus. Mae’n hyfryd ei gweld hi wedi gwisgo lan yn hardd ac yn hyfryd. Wy’n credu eich bod chi’n gywir wrth ddweud 'mod i’n wr da!

Nia: Beth mae Eric yn feddwl o’ch holl ddillad chi?

Meriel: Ma’n mynd i gael sioc, dyw e heb weld gymaint o’n nillad i gyda’i gilydd o’r blaen. Dyw e ddim yn 'interested' mewn gwirionedd. Sylwe fe ddim os yw rhywbeth yn newydd neu beidio!

Nia: Be dach chi’n wneud, ydych chi’n cuddio dillad o dan y gwely ac yn y blaen?

Meriel: Odw ac mae'r atig yn le da hefyd!