Ond bellach, mae obsesiwn arall yn cuddio yn ei gwpwrdd dillad...

Mae'n funny achos wrth i mi edrych yn ôl drwy hen luniau o fy mhlentyndod, mae fy mrawd wastad yn pwyntio ata i a dweud 'Little Lord Fauntleroy' achos roeddwn i wastad yn edrych yn daclus ac roedd fy mrawd yn edrych fel ei fod wedi cael ei dragio trwy hedge!

Ti mor daclus! Sbia ar yr hangyrs na i gyd - yr un pellter oddi wrth ei gilydd, i gyd yn pwyntio'r un ffordd...

Fi mor daclus. Yr un ffordd, yr un pellter oddi wrth ei gilydd. Dwi'n teimlo weithie fod e'n rong i foi o de Cymru fod mor fussy a hyn a fi'n gwybod bod na rhywbeth yn bod da fi, bod hyn ychydig bach o obsesiwn, compulsion arna i.

Owen ar jîns...

Dwi byth yn gwisgo dim byd arall ond pâr o jîns, ac mae popeth yn troi o gwmpas pa fath o jîns dwi'n wisgo. Brynais i'r jins ma'n ail-law a doedden nhw rioed wedi cael eu golchi dwi'm yn meddwl a nes i ddim golchi nhw cyn gwisgo nhw a dwi dal heb olchi nhw ac maen nhw gen i ers dwy flynedd!

Mae Owen wedi byw bywyd y 'rock star' gyda Catatonia am ddwy flynedd, felly hwyrach bod rhaid maddau iddo am ei jîns budr!

Pan ddechreuon ni gyda Catatonia roedd pawb yn ddi-waith. Roedden ni'n byw yn y Rhath ac yn cael ein dillad o siopau elusen Clifton St, felly oedd unrhywbeth oeddet ti'n gweld Cerys ynddo ar y pryd yn ail-law, bydde hi ddim wedi meddwl mynd i brynu rhywbeth newydd. Wrth i ni gael mwy o llwyddiant a gorfod gwneud photoshoots a fideos, a stylists yn dod i mewn a prynu dillad drosto chi, yn sydyn roedd gennych chi cyfle i ffonio fyny'r cwmniau mawr a gofyn ga i hwn neu'r llall, ga i o am ddim, ac roedd pobl yn rhoi dillad i ni, a trainers a cotiau - pob dim.

Owen ar Versace...

Mae hon yn jacket suede gan Versace ac mae hi'n un o'r pethau rhyfedda' ddigwyddodd i Catatonia erioed! Ar y pryd roedd International Velvet yn rhif un yn Siartiau Prydain, ac roedd Versace'n gwneud un o'u sioeau nhw yn Milan, ac mi wnaethon nhw ofyn i ni chwarae yn y sioe. Neuthon nhw gau siop Versace i ni a rhoi shop assistant yr un i ni ddewis outfit ar gyfer y sioe. Ond dyna'u ffordd nhw o neud yn sicr bod ni'n gwisgo Versace - neu 'sa Donatella di cael ffit!

Oes gen ti ddegawd mewn ffasiwn?

Y saithdegau dwi'n meddwl. Achos roedd yr wythdegau yn llawn peryglon ffasiynol i ddynion ac i ferched. Dwi ddim cweit yn siwr be oeddwn i'n gwneud yn yr wythdegau, ond dwi'n cofio prynu pâr o slipars gwyrdd a meddwl mod i'n edrych fel Ian McCulloch o Echo and the Bunnymen, oedd yn rhyw fath o eicon ffasiwn ar y pryd.