Owen ar ei atgofion cyntaf o siopa...

F'atgofion cyntaf i o'dd mynd i siopa gyda mam pan yn blentyn. Dwi'm yn cofio gweld unrhyw ddilledyn a meddwl 'O dwi'n licio hwn'. Doedden nhw ddim yn brofiadau hynod gadarnhaol.

Owen ar y cimono...

Yn Siapan a Korea mae ganddyn nhw wisg draddodiadol, a weithie mewn arddangosfeydd fyddech chi'n gweld cimono o'dd yn werth miloedd ar filoedd o bunne'. Dyna o'dd yr eiddo. Yn y Gorllewin ni'n meddwl am ein cartrefi fel eiddo ond yn fan'no fydde cimono'n costio can mil o bunne. Ond gan bod ganddyn nhw gyment o ddaearfgrynfeydd, tsunamis ac ati, do'dd y cartre ddim yn rhywbeth parhaol, tra'r oedd y cimono'n rhywbeth y gallech chi ei gludo gyda chi.

Sonia be ddigwyddodd efo'r ymgynghoriad efo'r arbenigwraig steil a lliw 'ma.

Wel i ddechre oedden nhw'n edrych ar liw, lliw y'ch croen chi, lliw y'ch llyged chi, lliw y'ch gwallt chi, wedyn oedden nhw'n symud ymlaen i feddwl pa liwie oedd yn gweddu i'ch personoliaeth chi a'ch steil chi. Wedyn, yn seiliedig ar hyn i gyd maen nhw'n pennu steil i chi.

Owen ar bwysigrwydd crys...

Ma' crys yn rhywbeth pwysig achos mae o nesa' at eich gwynab chi, felly ma'n bwysig cael hynna'n iawn. Does dim gymaint o ots am liw trywser neu hances boced, ond ma' ca'l lliw iawn i grys yn bwysig dros ben.