Nia: Dach chi reit enwog am eich siwmperi llachar tydach?

Prys: Ydw. Dwi wyrach yn wreiddiol yn hollol swil. Ma’r siwmperi 'ma yn rhoi rhyw hyder i mi dwi’n meddwl.

Nia: Ydi’r ffaith bod y siwmperi yn lliwgar a mor unigryw yn golygu bo’ chi’n licio sefyll allan erbyn hyn?

Prys: Ydw. Dwi’r teip yna o foi. Os fydda i’n cerdded mewn i 'stafell, dwi’n teimlo, heb fod yn fawreddog, dwisho 'cymryd yr ystafell drosodd'. Mae o’n bwysig i mi deud y gwir.

Nia: Felly mae eich dillad chi yn ffordd o newid hynny felly ydi?

Prys: Ydi. Dwi’n teimlo bod lot o bobl yn fy nabod i. Dwi’n trio cadw i mi fy hun lle ydw i’n prynu’r dillad yma lle bo’ rhywun yn fy 'upstagio’.

Nia: Be ydi hanes y siwper arbennig hon?

Prys: Hon ydw i’n teimlo mwya’ cyfforddus ynddi hi. Pan dach chi’n edrych arni, ma’ hi’n edrych fel bod yna dyllau ynddi hi a weithiau fydda i’n edrych arni ac yn meddwl am yr oriau ma’ rhywun wedi’i wneud i’w rhoi at ei gilydd. Alla i ddim creu dim byd heblaw am efo ngheg felly dwi’n edmygu pobl sy’n gallu gwneud rhywbeth efo’i dwylo ac mae hon yn enghraifft o frodwaith sydd yn anhygoel. Dwi wrth fy modd gyda hon.

Dwi’n swnio’n fawreddog iawn ond ma’ 'na rhyw 'class’ yn perthyn iddyn nhw does, ma’ nhw’n sefyll allan.

Nia: Be ydi hanes y siwmper hon gennoch chi?

Prys: Dwi'n gyfforddus iawn i gychwyn ac ma''na gariad mawr at hon. Hon oedd y gyntaf lliwgar, dwi'm yn credu ei bod hi'n llachar iawn, nes i ei phrynu erioed. Mi brynes hon yn Harrogate a dyma'r un gyntaf tri ffigwr dros gan punt.

Nia: Ac ydyn nhw 'di mynd fyny mewn pris ers hynny?

Prys: Ydyn yn anffortunus, ma'nhw! Rhaid i mi fod yn onest, ma'r seis wedi mynd yn fwy hefyd felly ma'r pris wedi mynd yn fwy hefyd!

Nia: Mae gennych chi siwmperi golff hefyd. Golff - eich cariad mawr chi?

Prys: Ia. Tydw i ddim yn chwarae gymaint rwan ond mi ro'n i'n arfer chwarae lot o golff. Ma'r rhan fwyaf ohonynt heb lewys ac ma'nhw'n gyfforddus dros ben. I mi, ma'nhw'n edrych yn daclus hefyd.

Nia: 'Casual-smart'ydi'ch golwg chi yn de?

Prys: Ia, dwi'n licio teimlo felly, dwi'm yn gwybod os ydi pobl yn fy ngweld i felly cofiwch. Dwi'n teimlo 'mod i'n gwisgo yn 'casual - smart'.

Prys: Ma’ genai dair neu bedair o siwmperi yn y car drwy’r adeg felly ma’n nghwpwrdd i yn y car.

Nia: O weld pawb ar y cwrs golff, ma’n rhyfedd, ma’ fel petai bo’ gennoch chi gyd wisg ysgol fel petai tydi!

Prys: Ydi, ond mae o’n bwysig bo’ rhywun yn cadw safon ar y cwrs golff tydi. Dach chi’n cychwyn efo’r sgidiau a’r sanau a rhaid i rheiny fod yn rhai iawn, wedyn dach chi angen y trowsus a’r siwmperi a’r crys a’r het. Ma’ rhei o’r merched wrth gwrs, wel, ma’ hi fel 'fashion parade’ yma!

Nia: Esgus da i brynu mwy o ddillad felly!

Nia: Be dach chi’n feddwl ma’ y dillad yn eich cwpwrdd chi yn ddweud amdanoch chi?

Prys: Ma’ nhw’n llawn, yn lliwgar ac yn adlewyrchu fy mywyd i.