Nia: Be 'di'r hanes tu ôl i'r casgliad yma? Lle gychwynnodd y diddordeb yma?

Seimon: Ryw ddeng mlynedd yn ôl, fues i allan yn Ffrainc i dynnu lluniau i lyfr a nes i weld lot o wisgoedd odd pobl yn eu gwisgo i ddathlu 50 mlynedd ers diwedd yr Ail Ryfel Byd. O’n i’n meddwl bod y dillad yn ddiddorol, felly nes i brynu un neu ddau wedyn mwy, a wedyn nes i brynu iwnifform cyfan ac erbyn hyn ma’ tipyn gyda fi.

Nia: Ydi’r hanes yn bwysig neu’r dillad neu cyfuniad o’r ddau?

Seimon: Cyfuniad o’r ddau, bendant. Ma’ lot o stwff gyda fi a ti ddim yn gwybod pwy oedd yn arfer eu gwisgo ond achos eu bod wedi dod o’r adeg yna, ti’n gwybod bod hanes yn perthyn iddyn nhw a ti ffili cymryd hynny bant o’r peth. Felly dros y blynyddoedd, mae’r casgliad wedi datblygu ond mae’r hanes o gwmpas y casgliad wedi datblygu hefyd.

Nia: Dillad y fyddin Americanaidd

Nia: Helmed meddyg a fedrwch chi weld lle mae wedi cael clec ar ei ben ond faswn i ddim yn licio meddwl beth wnaeth ei hitio fo chwaith ond mae’n adrodd hanes.

Nia: Er bod Seimon yn heddychwr, mae’n rhaid iddo fod yn berchen ar props fel hyn

Nia: Goggles gwreiddiol

Nia: Camera sy'n dal i weithio

Nia: Mae'r siwt hon yn rhyfeddol, dim ond pan ydych chi’n gweld rhywbeth yn agos fel hyn, mae’n eich taro chi bod yna berson go iawn wedi gwisgo hon a siwr o fod wedi profi erchyllterau rhyfel. Ma’ 'na rif ar y siwt sy’n cyfateb i pwy oedd y person felly os tasen i eisiau, mi faswn i’n gallu ffeindio allan pwy oedden nhw, beth oedd eu hanes nhw, beth oedd eu diwedd nhw hyd yn oed.

Nia: Wrth i'r blynyddoedd fynd heibio, mae gwerth y dillad rhyfel wedi cynyddu. Er mwyn peidio eu difrodi, mae Seimon yn defnyddio copiau o'r dillad gwreiddiol ac felly yn rhoi mwy o ryddid i'r actorion ailgreu golygfeydd mwy real.

Seimon: Mae'r siaced yma yn hollol newydd ond gan ddefnyddio 'blowlamp' a 'sandpaper', i roi’r argraff ei bod hi wedi cael ei defnyddio. Fydde hi ddim werth dim byd i mi syth allan o ffatri, mae’n rhaid i mi roi rhywfath o gymeriad iddo ac os yw e’n golygu difetha fe i’r raddau, dyna ni. Dwi wedi cael cynnig lot o arian am y siaced yma oherwydd ma’ pobl yn meddwl ei bod hi’n un wreiddiol, ond dim ond tua dwy flynedd oed ydi hi.

Nia: Mae Seimon wedi gweithio gydag enwau mawr fel Steven Spielberg a Tom Hanks ar nifer o ffilmiau a chyfresi teledu. Mae ei arbenigedd o’n eu helpu nhw i sicrhau cywirdeb ffeithiol y dillad a theimlad o realaeth.

Seimon: Pan o’n i’n gweithio ar 'Band of Brothers', o’ch chi’n gweld yr 'extras’ yn dod fewn ac yn gwisgo’r stwff Almaeneg ac yn sydyn iawn odd yr agwedd yn newid rywfaint.

Seimon: Ma' Rhodri (actor) wedi fy helpu lot gyda rhaglenni dogfen a 'photoshoots'. Mae wedi dod i nabod teimlad y dillad, mae'n edrych y 'part'. I fi, mae'n gallu rhoi yr wyneb wy'n chwilio amdano, ma' siap ei gorff yn helpu i mi greu shot naturiol fi'n gobeithio.

Nia: Sut deimlad ydi hi i fod yn gwisgo dillad gwreiddiol o’r rhyfel. Dipyn bach o hanes tydi?

Rhodri: Odi, ma’ fe’n rywbeth wy’n joio wneud. Fi’n trio mynd mewn i’r sefyllfa a’n trio rhoi fy hunan yn y sefyllfa felly ma’ hwnna’n gallu bod yn deimlad difrifol iawn.

Seimon: Ma’ diddordeb 'da fi yn y bobl odd yn gwisgo’r stwff, ma’ diddordeb mawr 'da fi yn eu hanes nhw fel bois ifanc odd yn mynd ffwrdd i ryfel. Does dim diddordeb gyda fi mewn drylliau a dim byd fel hynny a dyw hynny ddim yn bwysig. Beth dwi’n drio ei ailgreu yw naws yr oes, gwisg sy’n addas ac ailgreu lluniau sy’n ffitio fewn gyda fy ngwaith fel ffotograffydd ar gyfer cylchgrawn yn America.

Seimon: Sawl blwyddyn yn ôl nawr mewn priodas, nes i gwrdd â bachan o’r enw Jim Hallow sef Americanwr ym Mhrydain yn ystod yr Ail Ryfel Byd. Ryw cwpl o fisoedd ar ôl cwrdd â Jim, nath fy ffrind brynu iwnifform i mi ac ym mhoced yr iwnifform roedd llun bachan o’r enw Lester Duggan ac mae’n troi mas bod y bachan yna wedi hedfan yn yr un awyren a’r bachan oeddwn i wedi’i gwrdd, ag o’n i’n gallu rhoi’r ddau nôl mewn cysylltiad gyda’i gilydd gan nad oedden nhw wedi gweld ei gilydd ers yr Ail Ryfel Byd.