Sonia rhywfaint am dy sgerti achos ti'n ymddangos i wneud pwynt o ddangos dy goesau.

Dwi'n meddwl mod i'n gwisgo sgerti achos dwi wastad wedi dawnsio, byth er pan oeddwn i'n ferch fach, ac roedd yn rhaid dangos eich coesau bryd hynny - er eich bod hefyd yn gwisgo teits. Mae gen i goesau brown felly dwi'n hoff o'u dangos nhw, ac mae dawnsio wedi eu gwneud yn gryf a siapus. Darllenais i'n rhywle i Halle Berry ddweud mai'r ffordd orau i deimlo'n dda amdanoch chi'ch hun ydy i ddangos eich asedau gorau a chuddio'r gwaethaf!

Felly os mai dy goesau di ydy dy ased gorau beth yw dy rai gwaethaf?

Fy hanner uchaf, dwi'n gwisgo siacedi i guddio fy mrechiau wobbly.

Wyt ti'n gwisgo bwts neu sgidiau neu beth gyda dy sgerti byrion?

Mae'n dibynnu. Dwi wedi cael dwy ddamwain ble'r trois i'n nhroed oedd yn golygu na fedrwn i wisgo sodlau, oedd yn chydig o trauma i mi achos dwi mond yn 5'4". Ond yna nes i ddarganfod bwts cowboy. Roeddwn i'n hoff iawn ohonyn nhw ac roedden nhw'n gyfforddus. Gallwn i ddawnsio drwy'r nos a cherdded adref heb orfod tynnu fy sgidiau - grêt!

Ai rhain yw dy fwts mwyaf wacky?

Ia, brynodd fy mam nhw i mi. Dydi hi ddim yn prynu dillad i mi fel arfer ond os ydy hi'n gweld rhywbeth mae hi'n gwybod y byddai'n bendant yn eu hoffi mi wneith hi eu prynu nhw. Prynodd hi'r rhain yn Iwerddon ac fe wisgais nhw am y tro cyntaf ar y teledu.

Beth ydy hwnna gyda'r print papur newydd drosto fo?

Phobia ffasiwn. Brynodd fy mam a'n nhad i o i mi. Pan oeddwn i'n rhyw 13 - 14 oed roeddwn i ar wyliau ac os oeddwn i'n cymryd ffansi at rywbeth arferwn i ddweud y byddai o'n dda ar gyfer clyweliad neu rywbeth. Wedyn byddai'n rhieni i'n dweud 'O'r gorau, gei di fo fel trêt'.

Tara ar newid ei steil...

Gwisgais i'r siaced yma am sbel er dwi'm yn meddwl y gwna i ei gwisgo hi eto. Ond wna i ddim cael gwared ohoni achos roedd hi'n ddrud.

Dwi'n licio'r ffaith mod i'n gallu gwisgo fyny, gwisgo beth bynnag licia i, a hwyrach gwisgo rhywbeth eitha ffiaidd. Ond be di'r ots, dim ond dillad ydyn nhw wedi'r cwbl.