Be fasa ti'n ddweud ydy rôl dillad yn dy fywyd di?

Y ceffylau ddaeth gyntaf. Wedyn er mwyn i mi wneud fy ngwaith yn haws dwi ishe gwisgo'n iawn ac edrych y rhan, edrych yn broffesiynol, a dyna sut mae'r dillad wedi dod. Dwi dipyn bach o 'perfectionist' - gwisgo'r dillad iawn ar yr amser iawn - ma' hynny'n eitha' pwysig i mi. Sa' i moyn edrych fel 'nutter' yn gwisgo tweed a phawb arall mewn jîns!

Lle wyt ti'n prynu'r holl ddillad gwahanol yma?

Dwi'n pigo rhan fwya' ohonyn nhw lan yn y sioeau, fel y Sioe Frenhinol. Ma' dillad ffantastig yno a rydych chi'n gallu prynu nhw 'off the peg' neu gael eich mesur iddyn nhw ffitio corff fel sydd 'da fi!

Pa fath o ddillad fyddi di'n eu gwisgo i arddangos y ceffylau?

Mi fydda i'n gwisgo siwt tweed i ddangos Mountain and Moorelands. Ma'r siwt yma gen i ers byti ddeg mlynedd nawr ac mae wedi cadw'n deidi. Ma' gwisgo dillad neis, dillad sy'n ffitio'n deidi yn gwneud i mi deimlo'n well. Hyd yn oed os nad oes y ceffyl gore 'da chi, os ydych chi'n edrych yn broffesiynol yna mae'n dod ar draws felly.

Wyt ti'n gallu dyfalu pa geffyl mae rhywun yn mynd i'w arddangos o'r hyn y ma' nhw yn ei wisgo?

Ma' rhai pobl yn ei gael o'n anghywir, ond y rhan fwyaf o'r amser ti yn gallu dweud o'r hyn y ma' pobl yn ei wisgo be ma' nhw'n mynd i arddangos! Etiquette ydy'r rhan fwyaf ohono fe, ma un neu ddau o reolau, ond etiquette ydy rhan fwyaf ohono fe.

Ydy pobl yn gwisgo yn wahanol mewn mannau gwahanol?

Yn Lloegr, ma' 'na lawer mwy o 'green welly brigade' a tweed. Fe aethon ni i rasio pwynt i bwynt yn Lloegr yn ddiweddar, a sa' i wedi gweld cymaint o tweed erioed! Roedd pob un - y dynion, merched a'r plant - pob un yn gwisgo tweed! Ma llawer mwy o tweed yn Lloegr na sydd yng Nghymru.

Wyt ti'n gwisgo'n wahanol pan fyddi di'n beirniadu mewn sioeau?

Mi fyddai'n gwisgo'r siwt dywyll yma i feirniadu ac i ddangos y 'show ponies'. Dwi'n gallu gwisgo crys a thei lliwgar gyda fe. Wrth feirniadu, mi fyddai'n tynnu'n het i ffwrdd pan dwi wedi dewis yr enillydd. Ma pobl yn licio gweld chi'n tynnu'ch het ffwrdd!

Beth fydd di'n ei wisgo i fynd i hela?

Mi fydda i'n gwisgo'r gôt goch yma i fynd i hela. Dwi'n ei gwisgo hi ar ddiwrnodau sbeshal fel Dydd San Steffan a Dydd Calan. Dydy pawb ddim yn gwisgo siacedi coch, dim ond y meistri. Rydych chi'n cael eich gofyn i fod yn feistr, felly 'da chi ddim yn gallu codi un bore a phenderfynu eich bod chi'n feistr - chi'n gorfod cael y parch ac wedyn cael eich gofyn i fod yn un.

Beth yw arwyddocâd y botymau ar y gôt?

Fel meistr, ma' pedwar botwm ar y siaced yma, pump i'r bobl sydd yn gweithio i'r helfa a thri i bobl gyffredin! Ma' botymau yn mynd nôl flynydde hefo hela, ma' nhw wedi eu gwneud mas o ledr neu rwbath tebyg a llun ceffyl arno fe a llyfrennau'r PHC - Pembrokeshire Hunt Club.

Dwi'n licio'r bŵts anhygoel yma! Lle ges ti rhain?

Cael rhain gen ffrind wnes i. Ryw soldiwr o Rwsia oedd piau nhw ac roedd 'na Cuban heel mawr arnyn nhw. Doedd yn ffrind ddim yn gwybod beth oedd e'n mynd i wneud â nhw felly fe feddyliais i, 'ga fi rhain'. Fe wnes i eu haltro nhw a dwi wedi eu gwisgo nhw i hela ers hynny. Ma' nhw 'da fi ers sawl blwyddyn bellach.

Be sydd mor arbennig am rasio ceffylau?

Yr adrenalin rush! Unwaith chi wedi ei wneud e, ma'n rhaid cadw i fynd wedyn, mae o'n real thrill. Sa' i'n betio na dim fel 'na, ond mae'n neis gweld y ceffyl yn rhedeg, ac yn rhedeg yn dda, gan wella hefo pob ras. A neis gweld nhw'n ennill wrth gwrs!

Pam fod gan bob joci liwiau gwahanol?

Ma' pawb sydd berchen ceffyl â lliwiau ei hunain. Mae gen i geffyl gwyn, a'i liwiau o yw gwyrdd a coch a chap gwyn. Fy lliw i fy hun yw glas a du. Pan nes i ddechre reidio pwynt i bwynt yn hunan, ro'n i'n cwympo shwt gymaint, glas a du o'n i'n beni lan prun bynnag felly dyna shwt ddes i i wisgo glas a du!

Mi wyt ti'n hoff iawn o fanylion ac yn enwog am dy sanau yn ôl pob sôn!

Yndw! Dwi'n licio cael ychydig bach o sbort hefo fy nillad. Does dim pwynt gwisgo'n rhy ddiflas a chymryd popeth yn ddiflas - mae'n rhaid cael 'chydig bach o sbort.

Dwi'n siŵr nad oes yna lawer o ddynion yn gwisgo trowsus pinc yn y cylch cystadlu yn nagoes?

Dim eto, ond watch this space - ma' nhw'n siŵr o ddilyn!