Mae'n amlwg mai jazz yw dy brif gariad mewn bywyd, ond pryd wnes di ganfod hyn am y tro cyntaf?

Pan oeddwn yn fachgen ifanc tua 14 mlwydd oed. Roeddwn i wrth fy modd gyda swn y gerddoriaeth, tôn y clarinet, felly fe ddechreuais i fy mand fy hun.

Wyt ti'n cofio be oeddet ti'n ei wisgo?

Ydw, trowsus tywyll a chrys gwyn.

Roedd yn rhaid i chdi wisgo math ffurfiol iawn o wisg wedi hynny doedd, pan ymunaist ti â'r Llynges? Am faint oeddech chdi yn y Llynges?

Oedd. Roedd yn rhaid i ni wisgo bell bottoms yn y dechrau, ond yna cefais fy ngwneud yn swyddog ac felly roedd yn rhaid i mi newid fy ngwisg am un fwy ffurfiol, oedd yn cynnwys cap. Roeddwn i yno am dair blynedd a hanner.

Ti wedi cwrdd â sawl person enwog ar draws y byd i gyd, gan gynnwys Louis Armstrong. Sut fath o berson oedd o?

Hyfryd iawn. Roedd e'n smart iawn 'fyd. Roedd o'n gwisgo evening dress, gyda chrys gwyn a tei bô.

Wyn ar ei hoff het...

Roeddwn i'n ffrindiau gorau gyda Johnny Williams ac mae gan hoff het Johnny le arbennig yn fy nghartref. Roedd yr het yna'n mynd i bobman gydag ef.

Wyt ti'n dal yn hoff o wisgo hetiau?

Ydw. Dwi'n gwisgo het bob amser, dwi'n eu prynu o bobman.