Roedd y 1970au yn gyfnod o dryblith (upheaval) gwleidyddol, cymdeithasol ac economaidd, ac o ganlyniad fe rebeliwyd yn erbyn yr olwg fodern, ffasiwn fasgynyrchedig, gan ddewis golwg mwy unigryw.
Yn ystod y 1960au hwyr a'r 1970au cynnar, roedd llawer o bobl ifanc wedi colli ffydd yn yr ymdeimlad oedd wedi aros ers y rhyfel, a buan y trowyd at ddiwylliannau Dwyreiniol. Eitemau dillad oedd ymysg y dylanwadau hyn oedd kaftans, sgertiau hir a blowsys sipsi. Roedd y ffaith ei bod hi nawr yn haws trafeilio yn golygu fod pobl yn dod a syniadau ac eitemau o wledydd tramor.
Roedd merched yn gwisgo eu gwalltiau yn hir wedi'i rannu lawr y canol, a roedd colur yn fwy naturiol. Roedd yr ymdeimlad mwy rhydd o ran rhyw yn golygu bod mwy o ryddid o ran dewis ar gyfer y naill ryw, ac o ganlyniad fe ddaeth jîns yn boblogaidd ymysg dynion a merched.
Ar gyfer y nos, gwisgai ferched siwtiau trowsus, ffrogiau maxi hir gan Halston, 'catsuits' gwddf halter neu ffrogiau ag 'empire-line' gyda bodisiau brodiog a llewys llawn.
- CWPWRDD DILLAD