Dechreuodd y 1990au gyda delwedd mwy tawel yn dilyn cyfnod o ffasiwn prysur yr wythdegau. Defnyddiodd dylunwyr fel Calvin Klein a Donna Karan liwiau naturiol a ffabrigau ysgafn oedd yn adlewyrchu teimlad mewnsyllgar (introspective) y degawd gan arwain at y mileniwm newydd. Unwaith eto, dylanwadodd gerddoriaeth ar ffasiwn wrth i ffenomenon 'grunge' Seattle a bandiau fel Nirvana ddarparu ysbrydoliaeth ar gyfer y ddelwedd pync-hipi, oedd yn cynnwys Doc Martens gyda sgertiau hir, 'tie-die', colur naturiol a gwallt wedi'i blethu.
Siâp amlwg arall o ran eitemau dillad oedd y blaser mewn gwahanol ffurfiau - wedi'i wisgo â gwyn neu grys denim a jîns am olwg llai ffurfiol a la Ralph Lauren, neu siwt drowsus ar gyfer y gweithle a la Giorgio Armani.
Gyda dylanwadau dylunwyr Siapaneaidd fel Michiko Koshino, daeth pob math o steiliau yn boblogaidd yn ystod y 1990au, o'r ffrog cheongsam i'r coleri mandarin ar siwtiau. Parhaodd y motiff Dwyreiniol i addurno trowsusau combat a thopiau yn y 1990au hwyr. Defnyddiwyd ffabrigau fel Lycra a Tencel fwy fwy.
Gyda thyfiant ym mhoblogrwydd cerddoriaeth rap fe ddaeth dylunwyr fel Tommy Hilfiger ac enwau poblogaidd y stryd fawr fel Nike ac Adidas yn boblogaidd. Yn y 1990au cynnar, roedd trowsusau sgio, leggins, siorts beicio, siorts Bermuda a sgertiau sglefrio iâ hefyd yn boblogaidd. Yn ddiweddarach, tyfodd 'shellsuits', siacedi 'puffa' a 'fleece' yn eu poblogrwydd a oedd wedi'u gwisgo gan fynyddwyr yn unig yn y gorffennol.