Cyfnewid

Nesaf: Llanymddyfri - Nos Iau 27ain Ionawr

Mae Cyfnewid yn dod i’ch ardal chi!

Ydach chi’n barod i ddarganfod cartref newydd i ddillad sy’n llenwi’r cwpwrdd ond heb eu gwisgo ers amser maith, hen deganau neu gasgliad o gryno ddisgiau sy’n hel llwch yn yr atig; neu beth am ddodrefn neu nwyddau di-angen sy’n gorwedd yn segur yng nghornel yr ardd neu’r garej?
Os felly, Cyfnewid yw’r lle i chi!

Rhagflas

Content on this page requires a newer version of Adobe Flash Player.

Oriel Lluniau Cyfnewid

Mae croeso cynnes i chi gysylltu â thîm Cyfnewid unrhyw bryd. Os hoffech chi gymryd rhan yn y gyfres, danfon syniad am rysáit neu holi cwestiwn am y gyfres, e-bostiwch i gysylltu â ni.

Ni fyddwn yn rhannu eich gwybodaeth gydag unrhyw gwmnïau allanol, a fe fydd ond yn cael ei ddefnyddio i gysylltu yn ôl ac ymateb i'ch ymholiad.

Rhodri Ogwen Williams

Mae Cyfnewid yn rhaglen sy'n siwtio Rhodri Ogwen Williams i'r dim. Am flynyddoedd bu'n casglu pob math o eitemau o dros y byd i gyd. Erbyn hyn, mae'r ty wedi mynd yn rhy fach i'w gasgliad ac mae'n gorfod llogi 2 stordy i gadw'r stwff i gyd. Y cam mwyaf synhwyrol iddo fyddai llenwi fan a dod lawr i un o safleoedd Cyfnewid a falle newid pob dim am rywbeth fyddai yn ei ddefnyddio yn hytrach na'i storio. A dyna beth mae'n annog i chi wneud. Os nad ydych chi wedi defnyddio eitem am dri mis a mwy, ac mae'n hel llwch mewn cwpwrdd yn y ty, mae'n amser cyfnewid am rywbeth arall a hynny heb wario ceiniog!

'Dim jymbl sêl yw Cyfnewid', meddai, 'yn hytrach cyfle i chi gyfnewid eitem neu eitemau o'r safon ucha' mewn awyrgylch hwylus iawn.'

Mae Rhodri wrth ei fodd i fod yn rhan o gyfres newydd ar S4C sy'n rhoi'r cyfle iddo gwrdd a phobl yn eu cymuned i gloncan a chyfnewid!

Mari Lovgreen

Dwi wrth fy modd yn cael bod yn rhan o'r rhaglen Cyfnewid. Ers i fi fynd i barti swopio dillad ryw flwyddyn yn ôl, dwi wedi bod yn ffan mawr o'r syniad yma o gyfnewid rywbeth 'da chi wedi ddiflasu arno fo am rywbeth sy'n hen i rywun arall, ond yn newydd a diddorol i chi. Ges i ambell i beth yn y parti, a mwy nag un peth oedd erioed wedi cael ei wisgo o'r blaen! 'One man's trash is another man's treasure' ydi'r dywediad ia?!

Dwi'n edrych ymlaen bob wythnos i weld y pethau anarferol a gwreiddiol sydd yn cael eu cyfnewid – rydan ni wedi cael, darnau ceir, clybiau golff, cadeiriau a darluniau gwreiddiol. Ond yn fwy na dim, dwi'n edrych ymlaen i fwydro a sgwrsio efo'r bobl sy'n Cyfnewid achos dydi hi ddim yn gyfrinach mai siarad ydi un o fy mhrif ddiddordebau. Cofiwch wylio a dewch i Gyfnewid! Welai chi ar y daith.

Mari, x

Mandy Watkins

Yn enedigol o Ynys Môn, fe wnes i radd mewn Busnes a Seicoleg yn y Brifysgol ym Mangor. Yna drwy hap a damwain cefais swydd gyda chwmni Cynllunio Mewnol yng Nghaer, a dechreuodd hyn fy niddordeb yn y maes. Ar ôl blwyddyn fodd bynnag, penderfynais symud yn ôl i Ynys Môn, a chefais swydd gyda Chyngor Cefn Gwlad, lle dwi dal i weithio dau ddiwrnod yr wythnos fel Swyddog Perthnasau Allanol.

Yn y cyfamser rwyf wedi cyflawni diploma mewn cynllunio mewnol, a bellach rwyf wedi sefydlu cwmni cynllunio fy hun, ac yn ei fwynhau yn fawr er iddo fod yn dipyn o waith trio gwneud bob dim!

Rwy'n briod ac mae gennym ddau fab a merch - Huw, Ned ag Elsi. Rwy'n hoffi siopa, chwilota am fargeinion, treulio amser gyda theulu a ffrindiau yn ogystal a chadw'n heini. Dwi byth yn eistedd lawr, ac yn meddwl fod bywyd yn llawer rhy fyr i wneud dim 'da chi ddim yn mwynhau!

Elliw Herbert

Merch o Ben Llyn yn wreiddiol, cefais fy addysgu yn Ysgol Botwnnog ac yna mynd ymlaen i astudio a graddio yng Ngholeg Prifysgol Caer. Bum yn gweithio i wahanol asiantaethau amgylcheddol ac addysgiadol, ond bellach yn gymhorthydd dosbarth yn Ysgol y Graig, Llangefni.

Drwy ddiddordeb mewn ffasiwn a hap a damwain y dechreuais gynghori ffrindiau a chyfoedion ar steil, ffasiwn a sut i weddnewid eu cwpwrdd dillad. Datblygodd hyn ymhellach gan ddechrau busnes bach fel steiliwr/siopwraig personol i bob math o bobl wahanol a diddorol. Fel rhan o'r busnes yma, rwy'n cynnal nosweithiau cyfnewid dillad neu 'swishio', siopa gyda chlientau am wisgoedd newydd ac yn clirio cwpwrdd dillad gyda phobl yn eu cartrefi.

Fy rôl yn bennaf ar raglen Cyfnewid fydd cynghori aelodau o'r cyhoedd ar beth i'w gyfnewid yn yr ardal ddillad. Byddaf yn cynghori ar eitemau fyddai'n gweddu i wahanol bobl yn ogystal a beth na fyddai'n gweddu a rhoi 'tips' ar sut i weddnewid eitemau yn y wardrob.

Lleoliad	Dyddiad darlledu	Dydd
Bethel	20 Ionawr 2011	Nos Iau, 21:30
Llanymddyfri	27 Ionawr 2011	Nos Iau, 21:30
Meifod	10 Chwefror 2011	Nos Iau, 21:30
Talybont	17 Chwefror 2011	Nos Iau, 21:30
Bala	24 Chwefror 2011	Nos Iau, 21:45
Caerfyrddin	3 Mawrth 2011	Nos Iau, 21:30
Pen-y-bont ar Ogwr	10 Mawrth 2011	Nos Iau, 21:30

Mae'n bosib cyfnewid bron i unrywbeth

Dillad, ffilmiau, llenni, llestri hen a newydd, esgidiau, celfi, gemau gwisgo, gemau bwrdd neu gemau cyfrifiadur... gallwch hyd yn oed gyfnewid gwasanaethau e.e. torri gwallt neu baentio stafell!

Rheolau digwyddiad Cyfnewid:

Rhaid dod ag o leiaf un eitem, ond nid mwy na phump eitem unigol.
Byddwch yn derbyn Rhif Personol ac un Cerdyn Cyfnewid am bob eitem.
Fe fydd eich eitemau yn cael eu harddangos ar fyrddau ac ar reiliau pwrpasol.
Y person cyntaf i drosglwyddo cerdyn am eitem sy'n cael ei gymryd.
Ni dderbynir: dillad isaf, clustdlysau, colur, nwyddau trydanol, bwyd, anifeiliaid, alcohol, nwyddau miniog (e.e. cyllyll), arfau, unrhyw beth arall sy’n anweddus a/neu’n anghyfreithlon.
Telerau ac amodau cyflawn.

Ryseitiau o'r ail gyfres i'w lawrlwytho